23 November 2020

News Flash

शाहीद आफ्रिदीचा खोटेपणा! खेळून झाल्यावर बोलतो मला IPLमध्ये कधीच रस नव्हता

पाकिस्तानी क्रिकेटपटू शाहिद आफ्रिदीला भारतीय क्रिकेटपटूंनी सणसणीत चपराक लगावल्यानंतर आफ्रिदीने आता आयपीएलबद्दलची खदखद व्यक्त केली आहे.

शाहिद आफ्रिदी (संग्रहीत छायाचित्र)

काश्मीरच्या विषयावर वादग्रस्त टिवटिव करणारा पाकिस्तानी क्रिकेटपटू शाहिद आफ्रिदीला भारतीय क्रिकेटपटूंनी सणसणीत चपराक लगावल्यानंतर आफ्रिदीने आता आयपीएलबद्दलची खदखद व्यक्त केली आहे. मी आयपीएलमध्ये कधीही खेळणार नाही तसेच आयपीएलमध्ये खेळण्यात मला कधीच रस नव्हता असे आता आफ्रिदीने म्हटले आहे.

नुकत्याच संपलेल्या पाकिस्तान सुपर लीगच्या तिसऱ्या मोसमामध्ये आफ्रिदी खेळला होता. पाकिस्तानची सुपर लीग आयपीएलवर मात करेल असा विश्वासही त्याने व्यक्त केला होता. त्यावेळी त्याने आयपीएलमधून मला बोलावणे आले तरी मी तिथे जाणार नाही. माझ्यासाठी पीएसएल मोठी असून वेळेनुसार पीएसएल आयपीएलला मागे टाकेल असे त्याने म्हटले होते. मी पीएसएलमध्ये आनंदी असून आयपीएलमध्ये मला कधीच रस नव्हता असे त्याने म्हटले होते.

आफ्रिदीचे आयपीएल संबंधीचे ताजे वक्तव्य हे २०१२ सालच्या त्याच्या वक्तव्याशी पूर्णपणे विसंगत आहे. २०१२ मध्ये आफ्रिदीने आयपीएलचे कौतुक केले होते. आयपीएल उत्तम स्पर्धा असून आपण त्यामध्ये खेळण्याचा आनंद लुटला आहे असे आफ्रिदी म्हणाला होता. २००८ च्या पहिल्या मोसमात आफ्रिदी डेक्कन चार्जर्स संघाकडून खेळला होता.

काश्मीरसंबंधी काय म्हणाला आफ्रिदी
भारत व्याप्त काश्मीरमध्ये चिंताजनक परिस्थिती आहे. तिथे निरपराधांची गोळया झाडून हत्या केली जात आहे. संयुक्त राष्ट्र, अन्य संस्था कुठे आहेत. हा रक्तपात थांबवण्यासाठी ते काहीच का करत नाहीत असे टि्वट आफ्रिदीने केले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 5, 2018 8:45 pm

Web Title: never interested in ipl shahid afridi
Next Stories
1 ‘हा’ प्रमुख गोलंदाज दुखापतीमुळे IPL स्पर्धेला मुकणार, दिल्ली डेअरडेव्हिल्सला झटका
2 इतक्या हजार कोटींना स्टार स्पोटर्सला मिळाले प्रक्षेपण हक्क, BCCI ला प्रत्येक सामन्यासाठी मिळणार ६० कोटी
3 प्रतिकूल परिस्थितीवर मात करत मीराबाई, गुरुराजाने पटकावली पदकं
Just Now!
X