News Flash

विनाअनुदानित सिलिंडरच्या दरात वाढ, विमान इंधनही महागले

जागतिक बाजारपेठेत वाढलेल्या किंमतींमुळे सिलिंडर आणि विमान इंधनाच्या दरात वाढ करण्याचा निर्णय घेण्यात आल्याची माहिती तेल कंपन्यांनी दिली आहे.

| June 1, 2015 05:37 am

सेवा करवाढीच्या फटक्याने त्रस्त असलेली जनता आता घरगुती गॅस सिलिंडरच्या दरवाढीने होरपळून निघणार आहे. विनाअनुदानित घरगुती गॅस सिलिंडरच्या दरात साडेदहा रुपयांची वाढ करण्याचा निर्णय घेण्यात आला आहे. तसेच विमानाच्या इंधनाचे दर देखील ७.५ टक्क्यांनी वधारणार आहेत. जागतिक बाजारपेठेत वाढलेल्या किंमतींमुळे सिलिंडर आणि विमान इंधनाच्या दरात वाढ करण्याचा निर्णय घेण्यात आल्याची माहिती तेल कंपन्यांनी दिली आहे. विनाअनुदानित सिलिंडरच्या दरात १०.५० रुपयांची वाढ झाल्याने दिल्लीत आता १४.२ किलोचा सिलिंडर ६२६.५० रुपयांना मिळणार आहे. याआधी १ मे रोजी विनाअनुदानित सिलिंडरच्या दरात ५ रुपयांची कपात करण्यात आली होती. यावेळी त्याच्या दुप्पट वाढ करण्यात आली आहे. विमान इंधनाचे दर प्रती किलोलीटर ३,७४४ रुपये एवढी वाढ झाली असून, आता हे दर ५३,३५३ रुपये एवढे झाले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 1, 2015 5:37 am

Web Title: non subsidised lpg price hiked by rs 10 50 and atf by 7 5 per cent
टॅग : Lpg
Next Stories
1 राजकारण नको, थोडा वेळ द्या..
2 चार जूनपर्यंत मान्सून केरळात
3 अनुसूचित जाती-जमाती आयोगाची मद्रास आयआयटीला नोटीस
Just Now!
X