अल्पसंख्याकांच्या हिताचे रक्षण करण्यास सरकार बांधील असल्याची ग्वाही देत पाकिस्तानचे अध्यक्ष मम्मून हुसेन यांनी आपल्या देशातील हिंदू बांधवांना दिवाळीच्या शुभेच्छा देऊन त्यांचे अभीष्टचिंतन केले.दिवाळीचा अविस्मरणीय दिवस तुमच्या आयुष्यात अधिकाधिक आनंद निर्माण करो, अशी आपली इच्छा असल्याचे हुसेन यांनी आपल्या संदेशात म्हटले आहे. फोटो गॅलरी: दिवाळी सेलिब्रेशन..देशातील अल्पसंख्याकांचे कल्याण साधत त्यांच्या मूलभूत हक्कांचे रक्षण, त्यांचे जीवनमान व मालमत्तेचे रक्षण करण्याप्रती सरकारची बांधीलकी असल्याचे आश्वासन हुसेन यांनी दिले.घटनेने घालून दिलेल्या तत्त्वांच्या आधारे आपले प्रयत्न आहेत, असे सांगून पाकिस्तानची उन्नती आणि परस्परांमध्ये सलोखा निर्माण व्हावा म्हणून हिंदूंनी बहुमोल योगदान द्यावे, असे आवाहन हुसेन यांनी केले.
