उत्तर प्रदेशच्या इटवाह जिल्ह्यातील बलराई येथे माणुसकीला काळीमा फासणारी घटना घडली आहे. येथील एका २० वर्षीय तरुणीने आपल्या दोन लहान बहिणींचा जीव घेतला आहे. आरोपी तरुणी प्रियकराबरोबर शारीरिक संबंध ठेवत होती, यावेळी लहान बहिणींनी तिला पाहिलं. यामुळे घाबरलेल्या तरुणीने सात आणि पाच वर्षांच्या आपल्या बहिणींची निर्घृण हत्या केली आहे. आरोपी तरुणीला पोलिसांनी अटक केली असून तिने गुन्ह्याची कबुली दिली आहे. 'इंडिया टुडे'च्या वृत्तानुसार, संबंधित घटना इटवाह जिल्ह्यातील बलराई येथे घडली. आरोपी तरुणीचं नाव अंजली आहे. घटनेच्या दिवशी आरोपी तरुणीचे आई-वडील जनावरांना चारा आणण्यासाठी शेतात गेले होते. यावेळी ती आपल्या सात आणि पाच वर्षीय बहिणींसह घरी होती. दरम्यान, तिने प्रियकराला घरी बोलावलं. यावेळी प्रियकराबरोबर आक्षेपार्ह स्थितीत असताना लहान बहिणींनी तिला पाहिलं. हेही वाचा- संतापजनक: बलात्कार करून रस्त्यावर फेकलं; अल्पवयीन मुलीने अर्धनग्न आणि रक्तबंबाळ अवस्थेत मागितली मदत पण… यानंतर अंजलीने कुदळीच्या साह्याने दोन्ही बहिणींची हत्या केली. तसेच पुरावा नष्ट करण्यासाठी तिने कुदळ आणि अंगावरील कपडे धुतले. आई वडील घरी आल्यानंतर दोघींचे मृतदेह घरातील वेगवेगळ्या खोलीत आढळले. या प्रकरणी पोलिसांनी अंजलीला अटक केली असून तिने गुन्ह्याची कबुली दिली आहे. या घटनेचा पुढील तपास केला जात आहे.
