scorecardresearch

Premium

आम आदमी पार्टीने पंजाबनंतर आता हिमाचल प्रदेशकडे वळवला मोर्चा ; विधानसभा निवडणुकीत सर्व जागा लढवणार!

मुख्यमंत्री अरविंद केजरीवाल हिमाचल प्रदेशच्या दौऱ्यावर जाणार

(संग्रहीत छायाचित्र)
(संग्रहीत छायाचित्र)

पाच राज्यांमधील विधानसभा निवडणुकीचे निकाल नुकतेच जाहीर झाले असून, यामध्ये उत्तर प्रदेश, गोवा, उत्तराखंड आणि मणिपूर येथे भाजपा सत्ता स्थापन करणार आहे. तर पंजाबमध्ये काँग्रेसला धूळ चारत आम आदमी पार्टीने सत्ता काबीज केली आहे. दिल्लीनंतर आता पंजाबमध्येही आम आदमी पार्टीचा मुख्यमंत्री होणार आहे. याचबरोबर आता आम आदमी पार्टीने आपाला मोर्चा हिमाचल प्रदेशकडे वळवला आहे. हिमाचल प्रदेशमधील आगामी विधानसभा निवडणुकीत सर्व जागा ‘आप’ लढवणार आहे. आम आदमी पार्टीचे नेते आणि दिल्लीचे आरोग्य मंत्री सत्येंद्र जैन यांनी याबाबत आज शिमला येथे माहिती दिली.

“ ‘आप’ला पंजाब विधानसभा निवडणुकीत सर्वसामान्यांचा पाठिंबा मिळाला आहे. यामुळे आम आदमी पार्टीचा उत्साह वाढला आहे. आता आप हिमाचलच्या सर्व ६८ विधानसभा जागांवर निवडणूक लढवणार आहे. हिमाचलमध्ये आम आदमी पार्टीची भाजपाशी स्पर्धा आहे. काँग्रेसचे कोणतेही आव्हान आम आदमी पार्टीसाठी नाही. भाजपाला हरवण्याचा मंत्र ‘आप’ला माहीत आहे.” असं सत्येंद्र जैन म्हणाले आहेत.

akhilesh_yadav_mallikarjun_kharge
बिहार, पंजाब, बंगालनंतर आता उत्तर प्रदेशमध्येही इंडिया आघाडीत खदखद? अखिलेश यादव यांची भूमिका काय?
Samajwadi Party proposal for 11 seats It is claimed that the seat sharing with the congress
‘सप’चा ११ जागांचा प्रस्ताव; काँग्रेसबरोबर जागावाटपाला चांगली सुरुवात झाल्याचा दावा
akhilesh_yadav_mamata_banerjee_nitish_kumar
ममता बॅनर्जी, नितीश कुमार यांच्या नाराजीवर अखिलेश यादव यांची प्रतिक्रिया; म्हणाले, “काँग्रेसची…”
lok sabha constituency review of latur marathi news, latur lok sabha constituency review marathi news
भाजपची उमेदवारी कोणाला आणि काँग्रेसला सूर गवसणार का ?

तसेच, “राज्यातील डॉक्टर आणि सुशिक्षित लोक आम आदमी पार्टीमध्ये सहभागी होत आहेत. ‘आप’ हिमाचलमध्येही शिक्षण आणि आरोग्य मोफत करेल. शिमला महापालिका निवडणूकही लढवणार असून यापूर्वी देखील महापालिका निवडणूक लढवली आहे.मुख्यमंत्री अरविंद केजरीवाल हिमाचलमध्ये येणार आहेत.” अशी माहिती देखील जैन यांनी दिली.

आम आदमी पार्टीने पंजाबमध्ये ११७ जागांपैकी ९२ जागांवर विजय मिळवला आहे. पंजाबमध्ये सत्ता मिळाल्यानंतर आपचे मुख्यमंत्री पदाचे उमेदवार भगवंत मान यांनी दिल्लीत मुख्यमंत्री अरविंद केजरीवाल यांच्या निवासस्थानी जाऊन त्यांची भेट घेतली. यावेळी मान यांनी केजरीवाल यांना शपथविधी सोहळ्याला येण्याचं निमंत्रण दिलं आहे.

पंजाबमध्ये आपचे केवळ २० आमदार होते. मात्र, यंदाच्या निवडणुकीत पंजाबच्या मतदारांनी ‘आप’ला भरभरून मतदान केलं. आपचे ९२ आमदार निवडून दिले आहेत. या निवडणुकीत सत्ताधारी काँग्रेसला केवळ १८, अकाली दल आघाडीला चार, भाजपा आघाडीला दोन आणि इतरांचा एका जागेवर विजय झाला आहे.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: After punjab now its himachal pradeshs turn delhi health minister and aap leader satyendar jain msr

First published on: 12-03-2022 at 17:41 IST

संबंधित बातम्या

ताज्या बातम्या
तुम्ही या बातम्या वाचल्या आहेत का? ×