४ जूननंतर देशात इंडिया आघाडीचे सरकार आल्यास मला पुन्हा तुरुंगात जाण्याची गरज पडणार नाही, असं विधान दिल्लीचे मुख्यमंत्री अरविंद केजरीवाल यांनी एका प्रचारसभेत बोलताना केले होते. त्यांच्या या विधानानंतर आता भाजपाकडून त्यांना लक्ष्य करण्यात येत आहे. यावरून केंद्रीय गृहमंत्री अमित शाह यांनीही अरविंद केजरीवाल यांच्यावर टीकास्र सोडलं आहे.

नेमकं काय म्हणाले अमित शाह?

अमित शाह यांनी नुकताच एएनआय वृत्तसंस्थेला मुलाखत दिली. यावेळी त्यांनी विविध विषयांवर त्यांची भूमिका स्पष्ट केली. यादरम्यान, त्यांना अरविंद केजरीवाल यांच्या विधानाबाबतही विचारण्यात आले. यासंदर्भात बोलताना, “अरविंद केजरीवाल यांचे विधान म्हणजे सर्वोच्च न्यायालयाचा अपमान आहे. केजरीवाल त्यांना मिळालेल्या जामीनाचा कशाप्रकारे गैरवापर करत आहेत, हे यावरून दिसून येते”, अशी टीका त्यांनी केली.

Pm Narendra modi Speech in Nashik
“मोदींनी भाषणात अल्पसंख्याकांचा मुद्दा काढताच, शेतकरी ओरडला कांद्यावर बोला..”, पुढे नेमकं काय घडलं?
What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”
pm modi on prajwal revanna sex tape row
प्रज्वल रेवण्णा प्रकरणावर पंतप्रधान मोदींनी पहिल्यांदाच केलं भाष्य; म्हणाले…
raj thackeray narendra modi
राज ठाकरेंची मागणी अन् पंतप्रधान मोदींचं तिथल्या तिथे उत्तर; मुंबईतल्या सभेत नेमकं काय घडलं?
uddhav thackeray viral video
शरद पवारांनी उद्धव ठाकरेंना बाहेर जायला सांगितलं, ठाकरेंनी हात जोडले अन्..; भाजपाने शेअर केला ‘तो’ VIDEO
uddhav thackeray narendra modi (1)
“…तर मी मोदींसाठी धावून जाईन”, पंतप्रधानांच्या हाकेला उद्धव ठाकरेंची साद? म्हणाले, “त्यांच्यासाठी…”
navi Mumbai lok sabha voting
Maharashtra Lok Sabha Election 2024 Phase 5 Voting Live: महाराष्ट्रात सायंकाळी ५ वाजेपर्यंत ४८.६६ टक्के मतदान!
Raj Thackeray Fatwa
राज ठाकरेंनी काढला फतवा! म्हणाले, “जमलेल्या माझ्या तमाम हिंदू बांधवांनो भगिनींनो आणि मातांनो..”

पुढे बोलताना, “अरविंद केजरीवाल यांच्या जामीनाबाबत सर्वोच्च न्यायालयाने दिलेल्या निकालकडे मी या निकालाकडे सामान्य निकाल म्हणून बघत नाही. हा विशेष निकाल आहे. देशातील अनेकांना वाटते आहे, की सर्वोच्च न्यायालयाने अरविंद केजरीवाल यांना विशेष वागणूक दिली आहे”, असे ते म्हणाले.

हेही वाचा- “राहुल गांधींनी मंचावर शिवरायांचा तिरस्कार…”, पंतप्रधान मोदींचा आरोप; म्हणाले, “ते चित्र पाहून मला…”

तिहार तुरुंगात असताना माझ्यावर लक्ष्य ठेवण्यासाठी छुप्यापद्धतीने सीसीटीव्ही कॅमेरे लावण्यात आले होते, असा आरोप अरविंद केजरीवाल यांनी केला होता. या आरोपालाही अमित शाह यांनी प्रत्युत्तर दिलं. “अरविंद केजरीवाल खोटं बोलत आहेत. मुळात तिहार तुरुंग हे दिल्ली सरकारच्या नियंत्रणाखाली आहे. गृहमंत्रालयाचा याच्याशी काहीही संबंध नाही”, अशी प्रतिक्रिया त्यांनी दिली.

दरम्यान, अरविंद केजरीवाल यांना निवडणूक प्रचारासाठी सर्वोच न्यायालयाने १ जूनपर्यंत जामीन मंजूर केला आहे. त्यानंतर २ जून रोजी अरविंद केजरीवाल यांनी पुन्हा आत्मसमर्पण करावे, असे निर्देश सर्वोच्च न्यायालायाने दिले आहेत.