‘जप्त केलेली एकूण रक्कम २९० कोटी?’

हेही वाचा >>> धीरज साहूंच्या घरात नोटांचा पर्वत, खासदाराच्या ‘दौलती’बाबत काँग्रेसची पहिली प्रतिक्रिया, अडचणी वाढल्या

मोजणी प्रक्रियेसाठी प्राप्तिकर विभाग आणि बँकेचे आणखी कर्मचाऱ्यांना बोलावण्यात आले आहे. याशिवाय जप्त केलेली रोकड सरकारी बँकांमध्ये पोहोचवण्यासाठी विभागाने आणखी वाहनांची मागणी केली आहे. या कारवाईचाच एक भाग म्हणून काँग्रेस नेते आणि झारखंडचे राज्यसभा सदस्य धीरजप्रसाद साहू यांच्या जागेवरही छापे टाकल्याचे समजते. या संदर्भात खासदार साहू यांची प्रतिक्रिया जाणून घेण्याचा प्रयत्न करण्यात आला. तसेच वृत्तसंस्थेने मद्य उत्पादक कंपन्यांच्या एका समूहाला ‘ई-मेल’ही पाठवला. मात्र, त्यांना प्रतिसाद मिळाला नाही. कंपनीचे विविध अधिकारी आणि त्याच्याशी संबंधित इतर व्यक्तींचे जबाब नोंदवले जात आहेत. शनिवापर्यंत रोख रकमेची मोजणी पूर्ण होणे अपेक्षित असल्याचे समजते. जप्त केलेली ही रक्कम सुमारे २९० कोटी असण्याची शक्यता व्यक्त करून अधिकाऱ्यांनी सांगितले, की आतापर्यंत २५० कोटींहून अधिक रोख जप्त करण्यात आली आहे.