Budget 2019: अर्थसंकल्प होता की सुरज बडजात्याचा हॅपी एन्डिग सिनेमा?-धनंजय मुंडे

धनंजय मुंडे यांनी उडवली अर्थसंकल्पाची खिल्ली

धनंजय मुंडे (संग्रहित छायाचित्र)

आज सादर झालेल्या अर्थसंकल्पानंतर भाजपा नेत्यांकडून स्तुतीसुमनं उधळली जात आहेत. तर दुसरीकडे विरोधक मात्र या अर्थसंकल्पावर टीका करत आहेत. मुख्यमंत्र्यांनी आज सादर झालेला अर्थसंकल्प हा लोककल्याणकारी अर्थसंकल्प होता असं म्हटलंय. तर विधानपरिषदेचे विरोधीपक्ष नेते धनंजय मुंडे यांनी मात्र या अर्थसंकल्पाची खिल्ली उडवली आहे. अर्थसंकल्प होता की सुरज बडजात्याचा हॅपी एन्डिग सिनेमा? असा प्रश्न मुंडे यांनी ट्विट करून विचारला आहे.

काय आहे ट्विट?
अर्थसंकल्प म्हणजे येणाऱ्या निवडणुका डोळ्यासमोर ठेवून सर्वांनाच खुश करण्याचा सरकारचा प्रयत्न आहे. हे #Budget2019 होतं की सुरज बडजात्याचा हॅप्पी एंडिंग चित्रपट? याआधीच्या चार अर्थसंकल्पातील खोट्या आश्वासनांच्या पूर्वानुभवामुळे जनता यांच्या कोणत्याच शब्दावर विश्वास ठेवायला तयार नाही.

मतांवर डोळा ठेवू अनेक घोषणा मोदी सरकारने केल्या असल्या तरीही त्यासाठी पैसे कुठून आणणार ? आर्थिक तूट कशी भरून काढली जाईल? याचे उत्तर मिळालेले नाही. पराभव समोर दिसत असल्यानं निवडणुकांच्या तोंडावर सरकारची जुमलेबाजी करणारा अर्थसंकल्प भाजपाने मांडला आहे अशीही टीका धनंजय मुंडे यांनी केली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Budget is like sooraj barjatyas happy ending movie tweets dhananjay munde

Next Story
‘बुद्धिस्ट सर्किट’ विकासातून पर्यटनास चालना
ताज्या बातम्या