Gujarat Cabinet Reshuffle: गुजरातमध्ये मंत्रिमंडळात मोठे फेरबदल; १९ नव्या मंत्र्यांना संधी, रिवाबा जडेजा यांची मंत्रीपदी वर्णी

गुजरातच्या एकूण मंत्रिमंडळाची संख्या आता २६ वर गेली आहे. यात मुख्यमंत्र्यांच्याही समावेश आहे. गुजरात विधानसभेतील सदस्यांची संख्या १८२ एवढी आहे. त्यामुळे सभागृहाच्या एकूण सदस्यसंख्येपैकी १५ टक्के म्हणजे २७ मंत्री असू शकतात.

गुजरातमध्ये २०२७ साली विधानसभेच्या निवडणुका होणार आहेत. तर पुढील महिन्यात स्थानिक स्वराज संस्थेच्या निवडणुका होत आहेत. त्याच्या काही वेळ आधी मंत्रिमंडळात हा मोठा फेरबदल करण्यात आला आहे.

दोन मंत्र्यांना पुन्हा संधी देण्यात आली –

१९ नवे मंत्री खालीलप्रमाणे –

हर्ष संघवी झाले उपमुख्यमंत्री?

४० वर्षीय हर्ष संघवी यांना उपमुख्यमंत्री बनविण्यात आले आहे. मंत्रिमंडळातील हा सर्वात मोठा बदल असल्याचे मानले जाते. राजीनामा देण्यापूर्वी त्यांच्याकडे गृह मंत्रालयाचा कारभार होता. आदल्या दिवशी त्यांनीही सर्व मंत्र्यांसह राजीनामा दिला होता. मात्र दुसऱ्या दिवशी त्यांच्यावर मोठी जबाबदारी देण्यात आली आहे.

२०१२ साली अवघ्या २७ व्या वर्षी सूरत जिल्ह्यातील माजुरा विधानसभा मतदारसंघातून हर्ष सिंघवी आमदार बनले होते. २०२१ साली त्यांना पहिल्यांदा मंत्री म्हणून काम करण्याची संधी दिली गेली होती.