“घोडेबाजाराचं प्रकरण गंभीर, बॅलेट पेपर सादर करा”, चंदीगड महापौर निवडणुकीवर सर्वोच्च न्यायालयाचे पुन्हा ताशेरे

डी. वाय. चंद्रचूड काय म्हणाले?

सरन्यायाधीश डी. वाय चंद्रचूड म्हणाले, चंदीगड महापौर निवडणुकीत झालेला घोडेबाजार गंभीर आहे. पीठासीन अधिकारी अनिल मसीह यांनी हे मान्य केलं आहे की त्यांनी मतपत्रिकेशी छेडछाड केली. आता मसीह यांनी हजर व्हावं आणि त्या मतपत्रिका घेऊन याव्यात असं सर्वोच्च न्यायालयाने म्हटलं आहे. सर्वोच्च न्यायालय या प्रकरणी मंगळवारी दुपारी दोन वाजता सुनावणी करणार आहे. आज झालेल्या सुनावणीत चंद्रचूड यांनी या घोडेबाजारावर पुन्हा एकदा ताशेरे झाडले.

आणखी वाचा

“कोण होणार मुख्यमंत्री?” शिंदे की फणडवीस? कोणाचा पक्ष मारणार बाजी? ज्योतिषतज्ज्ञांनी सांगितली भविष्यवाणी

Ladki Bahin Yojna : लाडक्या बहिणींना २१०० रुपयांसाठी…

Revanth Reddy : “महाराष्ट्रात महाविकास आघाडी सरकार आल्यास मुस्लिम आरक्षण…”, रेवंथ रेड्डी काय म्हणाले?

बापरे! कुटुंबाने अंत्यसंस्कार उरकले अन् पुढच्याच क्षणी शोकसभेत मुलगा जिवंत डोळ्यासमोर उभा; नेमकं काय घडलं?

राणांविरोधात बच्‍चू कडूंची ठाकरे गटाच्‍या बंडखोर उमेदवाराला साथ ; म्‍हणाले, “नेतेच आता खतरे मे…”

अहेरीत आत्राम काका-पुतण्यात थेट लढत? अपक्षांमुळे प्रस्थापितांच्या मनात धाकधूक…

अन्यथा मते मागायला येणार नाही, असे उपमुख्यमंत्री अजित पवार का म्हणाले !

सर्वोच्च न्यायालयाने पंजाब आणि हरियाणा उच्च न्यायालाकडे मतपत्रिकांची मागणी केली आहे. इतकंच नाही तर मतमोजणीचा सगळा व्हिडीओ सादर करा असंही सर्वोच्च न्यायालयाने म्हटलं आहे. या प्रकरणात जर मसीह दोषी ठरले तर त्यांच्यावर कायदेशीर कारवाई केली जाईल असंही स्पष्ट करण्यात आलं आहे. या प्रकरणात मसीह यांना न्यायालयाने विचारलं की तुम्ही मतपत्रिकांवर खुणा केल्या होत्या का? त्यावर त्यांनी होय मी आठ मतपत्रिकांवर इंग्रजी एक्स (X)च्या खुणा केल्या होत्या. त्यावर न्यायालयाने हेदेखील म्हटलं आहे की तुम्हाला फक्त सही करायची होती तुम्ही कुठल्या अधिकाऱ्याने ही खूण आठ मतपत्रिकांवर केली? आम्ही उपायुक्तांना नव्याने निवडणूक घेण्यासाठी रिटर्निंग अधिकाऱ्याची नेमणूक करण्यास सांगणार आहोत. तो अधिकारी कुठल्याही राजकीय पक्षाशी संबंध असलेला नसेल. आज या प्रकरणात सरन्यायाधीश डी. वाय. चंद्रचूड, न्यायाधीश जे.बी. पारदीवाला आणि न्यायाधीश मनोज मिश्रा यांच्या पीठाने सुनावणी घेतली.

हे पण वाचा- Chandigarh : महापौरांच्या राजीनाम्यापाठोपाठ ‘आप’च्या तीन नगरसेवकांचा भाजपात प्रवेश? चंदीगडमध्ये चाललंय काय?

लोकशाहीची हत्या होऊ देणार नाही-सर्वोच्च न्यायालय

या प्रकरणावर सुनावणी करताना सर्वोच्च न्यायालयाने रिटर्निंग अधिकाऱ्याला कठोर शब्दात सुनावलं होतं. डी. वाय. चंद्रचूड म्ङणाले होते की रिटर्निंग अधिकाऱ्याने जे केलं आहे ती लोकशाहीची हत्या आहे. व्हिडीओत जे काही दिसतं त्यावरुन स्पष्ट झालं आहे की मतपत्रिकेवर विशिष्ट खुणा करण्यात आल्या. निवडणुकीचं पावित्र्य राखण्यासाठी चंदीगड महापौरपदाच्या निवडणुकीचं विवरण पंजाब आणि हरियाणा उच्च न्यायालायच्या रजिस्ट्रारकडे जमा कऱण्यात येतील. आम्ही काहीही झालं तरीही लोकशाहीची हत्या होऊ देणार नाही असंही त्यांनी स्पष्ट केलं.