Mamata Banerjee : ममता बॅनर्जी आल्या, दोन तास थांबल्या, पण कोणीही आले नाही; कोलकाता बलात्कार प्रकरणी आंदोलकांची आजची बैठकही निष्फळ!

९ ऑगस्ट रोजी आर. जी. कर. वैद्यकीय महाविद्यालय आणि रुग्णालयात एका प्रशिक्षणार्थी डॉक्टरवर बलात्कार करून तिची हत्या करण्यात आली. हे प्रकरण उजेडात आल्यानंतर आरोपीला सीसीटीव्ही फुटेजच्या आधारे अटक करण्यात आली. परंतु, राज्य सरकारच्या एकूणच कारभारावर टीका करण्याकरता आणि डॉक्टरांच्या संरक्षणाकरता रुग्णालयातील डॉक्टरांनी आंदोलन पुकारले. हे आंदोलन मागे घेण्याकरता मुख्यमंत्री ममता बॅनर्जी यांनी आज पाच वाजता चर्चेसाठी आमंत्रण दिले होते.

नक्की वाचा

Narendra Modi : “मला ८४ हजारांची पेन्शन मिळते, मोदींना किती रुपये मिळतील माहितीय का?”, सुभाष देसाईंनी सगळी आकडेवारी मांडली

“लग्नाची बातमी सर्वात आधी राज ठाकरेंना…”, प्रेमाची जाहीर…

Uddhav Thackeray : “अन्यथा सरन्यायाधीशांनी गणपती बाप्पाला पुढची तारीख दिली असती”, ‘त्या’ भेटीवरून उद्धव ठाकरेंचा चिमटा

Sharad Pawar : “लाडकी बहीण योजनेमुळे महायुतीचं राज्य पुन्हा येईल, अशी स्थिती…”; शरद पवारांचं वक्तव्य चर्चेत

Sharad Pawar : मविआचं सरकार आल्यास मंत्रिमंडळात कोण असणार? मुख्यमंत्रिपद कोणाला? शरद पवारांकडून सर्व प्रश्नांची उत्तरं

Devendra Fadnavis : ‘एक तर तू राहशील किंवा मी राहिन’, उद्धव ठाकरेंच्या आव्हानाला देवेंद्र फडणवीसांचं उत्तर, “त्यांना वाटत असेल तर..”

पाकिस्तानातून भिकाऱ्यांची निर्यात; सौदी अरेबिया प्रशासनाचं पित्त खवळलं, काय आहे प्रकरण?

चीनमधील ‘या’ अवाढव्य धरणामुळे पृथ्वीचा वेग मंदावला? धरणाचा नेमका परिणाम काय होतोय?

हेही वाचा >> Kolkata Rape Case : “नवा अहवाल सादर करा”, कोलकाता बलात्कार आणि हत्या प्रकरणी सर्वोच्च न्यायालयाचे सीबीआयला पुन्हा निर्देश!

रेकॉर्डिंग करू, लाईव्ह टेलिकास्ट नको

या चर्चेचं थेट प्रक्षेपण करण्याची मागणी आंदोलकांनी केली होती. परंतु, ही मागणी ममता बॅनर्जी यांनी मान्य केली नाही. याबाबत ममता बॅनर्जी म्हणाल्या, आमच्याकडे मीटिंग रेकॉर्ड करण्याची संपूर्ण यंत्रणा होती. प्रक्रियेच्या पारदर्शकतेसाठी आणि अचूक दस्तऐवजीकरणासाठी आणि आम्ही सर्वोच्च न्यायालयाच्या मंजुरीसह रेकॉर्डिंग सामायिक करण्यास देखील तयार होतो. प्रकरण न्यायप्रविष्ट असल्याने, आम्ही या प्रकरणी चर्चा करू शकत नाही. म्हणूनच आमच्याकडे कार्यवाही नोंदवण्याची सोय होती. लाइव्ह टेलिकास्टबद्दलही आमचे मन मोकळे आहे, परंतु प्रकरण न्यायप्रविष्ट असल्याने काही कायदेशीर बंधने आहेत.”

Would you ever see a @BJP4India CM waiting 1.5 hours to engage in open dialogue with protestors? Absolutely not.

From JNU to the farmers’ protest, from wrestlers’ protest to Manipur – PM @narendramodi and BJP have consistently shown a disregard for democratic discussion and… pic.twitter.com/huTzNvbklG

— All India Trinamool Congress (@AITCofficial) September 12, 2024

“आम्ही १५ डॉक्टरांचे शिष्टमंडळ मागवले होते, पण ते ३४ घेऊन आले आणि तरीही आम्ही बैठक घेण्याचे ठरवले. मात्र त्यांनी सभेच्या ठिकाणी जाण्यास नकार दिला. आम्ही आरोग्य विभागाच्या इतर वरिष्ठ अधिकाऱ्यांना केवळ बैठकीसाठी बोलावले नाही”, असंही ममता बॅनर्जी म्हणाल्या.

“बैठकीचे थेट प्रक्षेपण केले जाणार नाही. पारदर्शकता राखण्यासाठी ते रेकॉर्ड केले जाऊ शकते. हे सर्व चर्चा अचूकपणे दस्तऐवजीकरण केल्याची खात्री करून, कार्यवाहीचे पावित्र्य राखून, तुमचा हेतू साध्य करेल”, असं पत्र मुख्य सचिवांनी आंदोलकांच्या शिष्टमंडळाला दिले होते. सरकारबरोबर चर्चा करण्याकरता आंदोलकांनी काही ठोस अटी ठेवल्या आहेत. आतापर्यंत ही तिसरी बैठक निष्फळ ठरली आहे.

“आंदोलकांशी खुल्या संवादासाठी भाजपाच्या मुख्यमंत्र्यांनी दीड तास वाट पाहिलेली तुम्ही पाहिली का? अजिबात नाही. जेएनयूपासून शेतकऱ्यांच्या निषेधापर्यंत, कुस्तीपटूंच्या निषेधापासून मणिपूरपर्यंत – पंतप्रधान नरेंद्र मोदी आणि भाजपाने लोकशाही चर्चा आणि मतभेदाकडे सातत्याने दुर्लक्ष केले आहे. कनिष्ठ डॉक्टरांनी फरक ओळखण्याची वेळ आली आहे – इतिहासाच्या योग्य बाजूला उभे रहा”, अशी टीका तृणमूल काँग्रेसने केली.