सकाळी शेतकऱ्यांना खूशखबर, आता सर्वसामान्यांसाठी मोठा निर्णय; मोदींच्या पहिल्या मंत्रिमंडळ बैठकीत काय झालं?

पंतप्रधानपदाची सूत्रं हाती घेतल्यानंतर नरेंद्र मोदी यांनी सोमवारी (१० जून) सायंकाळी पंतप्रधान कार्यालयातील अधिकाऱ्यांशी संवाद साधला. यावेळी मोदी म्हणाले, पंतप्रधान कार्यालय हे एक मोठं शक्ती केंद्र आहे. मी शक्ती केंद्र नाही तर हे कार्यालय शक्ती केंद्र आहे. मी सत्तेसाठी जन्माला आलेलो नाही. मी सत्ता काबीज करण्याचा विचार करत नाही. पंतप्रधान कार्यालय हे लोकांचं कार्यालय असलं पाहिजे, ते मोदींचं कार्यालय असता कामा नये.

दरम्यान, केंद्रात एनडीएचं सरकार स्थापन केल्यानंतर मोदी सरकारने आधी शेतकऱ्यांसाठी आणि आता सर्वसामान्यांसाठी निर्णय घेतला आहे. या निर्णयामुळे देशातील तब्बल ९.३ कोटी शेतकऱ्यांना फायदा होणार आहे. तर तीन कोटी घरांसाठी निधी जारी केल्यामुळे १२ ते १५ कोटी लोकांच्या डोक्यावर हक्काचं आणि पक्कं छत तयार होणार आहे.किसान योजनेच्या १७ व्या हप्त्यामध्ये सुमारे २० हजार कोटी रुपयांची मोठी रक्कम शेतकऱ्यांच्या बँक खात्यात हस्तांतरित करण्यात आली आहे. त्यामुळे पीएम किसान योजनेच्या माध्यमातून २ हजार रुपयांचा हा हप्ता कोट्यवधी शेतकऱ्यांच्या खात्यात जमा होणार असल्याने शेतकऱ्यांना मोठा दिलासा मिळाला आहे.

हे ही वाचा >> गडकरींकडील जुनं खातं कायम, नड्डांकडे आरोग्य, शिंदेंच्या मंत्र्याकडे ‘या’ खात्याचा स्वतंत्र कारभार; वाचा कुणाला कुठलं मंत्रिपद?

दरम्यान, पंतप्रधान नरेंद्र मोदी म्हणाले, ‘एनडीए सरकार हे शेतकऱ्यांच्या कल्याणासाठी कटीबद्ध आहे. त्यामुळेच पंतप्रधानपदाचा कार्यभार स्वीकारताच मी पहिला निर्णय शेतकऱ्यांच्या कल्याणाशी संबंधित घेतला आहे. मी यापुढे शेतकरी आणि कृषी क्षेत्रासाठी आणखी काम करत राहणार आहे.