पाकिस्तानच्या संरक्षण अंदाजपत्रकात २० टक्के वाढ

अंदाजपत्रकात तरतुदींचा कोणताही उल्लेख नाही. कारण संसदेत याबाबत चर्चा होत नाही. अर्थमंत्र्यांनी अंदाजपत्रक सादर करताना भाषणात भारताबरोबरच्या तणावाचा उल्लेख केला. हा अर्थसंकल्प ऐतिहासिक वेळी सादर होत असून, देशाने एकता दाखविल्याचे त्यांनी भाषणात नमूद केले. पहलगाममध्ये २२ एप्रिलच्या दहशतवादी हल्ल्यानंतर दोन देशांदरम्यान तणाव वाढला. भारताने सात मे रोजी ऑपरेशन सिंदूर मोहिमेमध्ये पाकव्यात काश्मीर आणि दहशतवादी तळांवर लक्ष्यभेदी हल्ले केले होते. यात पाकिस्तानचे मोठे नुकसान झाले होते.

पाकिस्तानची मदत थांबवा-राजनाथ सिंह

आंतरराष्ट्रीय समुदायाने पाकिस्तानला मदत देणे थांबवावे, असे आवाहन संरक्षणमंत्री राजनाथ सिंह यांनी केले. अगतिक दहशतवादाचे पाकिस्तान हे उगमस्थान आहे. त्यांना बळ देऊ नये असे नमूद करत, संयुक्त राष्ट्रांच्या सुरक्षा परिषदेत एका समितीचे उपाध्यक्षपद देणे धक्कादायक असल्याचे स्पष्ट केले. भारत ही लोकशाहीची जननी आहे, तर पाकिस्तान दहशतवाद्यांचा पाठीराखा म्हणून ओळखला जात असल्याचे सिंह यांनी डेहराडून येथील कार्यक्रमात स्पष्ट केले. आंतरराष्ट्रीय समुदायाने त्या देशावर दबाव आणण्याची गरजही व्यक्त केली.