“CAA, NRC चा हिंदू-मुस्लिमांमध्ये फूट पडण्याशी काहीही संबंध नाही”, मोहन भागवत यांनी मांडली भूमिका

CAA-NRC भोवतीचा वाद राजकीय!

सरसंघचालक मोहन भागवत यांनी सीएए आणि एनआरसीसंदर्भात सुरू असलेला वाद राजकीय फायद्यापोटी घातला जात असल्याचं यावेळी बोलताना म्हटलं आहे. “सीएए (Citizenship Amendment Act) आणि एनआरसी (National Register of Citizens) दोन्ही कायद्यांचा हिंदू-मुस्लिमंमध्ये फूट पडण्याशी काहीही संबंध नाही. त्याभोवती अशा गोष्टींची होणारी चर्चा ही जाणीवपूर्वक राजकीय फायद्यासाठी केली जात आहे”, असं ते म्हणाले. “सीएएमुळे मुस्लिमांचं कोणतंही नुकसान होणार नाही”, असं देखील त्यांनी नमूद केलं.

We don’t need to learn secularism, socialism, democracy from the world. This is in our traditions, in our blood. Our country has implemented these and kept them alive: RSS Chief Mohan Bhagwat, in Guwahati, Assam pic.twitter.com/byWzP4IRod
— ANI (@ANI) July 21, 2021

सीएएमुळे अल्पसंख्याकांना संरक्षण मिळेल

दरम्यान, यावेळी बोलताना मोहन भागवत यांनी सीएएमुळे देशातील अल्पसंख्याकांना संरक्षण मिळेल, असं देखील नमूद केलं आहे. “स्वातंत्र्यानंतर देशाचे पहिले पंतप्रधान पंडित जवाहरलाल नेहरू म्हणाले होते की देशातील अल्पसंख्याकांची काळजी घेतली जईल. ते अजूनही केलं जात आहे. आपण यापुढेही ते करतच राहू. यासंदर्भात आपण इतर देशांमध्ये असलेल्या बहुसंख्यकांशी देखील चर्चा केली. यापैकी कुणाला जर धोका किंवा भितीमुळे भारतात यायची इच्छा असेल, तर आपण नक्कीच त्यांना मदत करायला हवी”, असं देखील भागवत म्हणाले आहेत.

CAA & NRC haven’t been formed against any citizen of India. Indian Muslims will face no loss due to CAA. After partition, assurance was given that we’ll take care of minorities of our country. We’re abiding by that till today, Pakistan didn’t: RSS Chief Mohan Bhagwat, in Guwahati pic.twitter.com/hla2iap3gK
— ANI (@ANI) July 21, 2021

संघ आता मुस्लीम बहुल वस्त्यांमध्ये सुरु करणार शाखा ; RSS चा मोठा निर्णय

सर्व देशांना आपल्या नागरिकांची माहिती घेण्याचा अधिकार

एनआरसीविषयी बोलताना मोहन भागवत यांनी त्याचं समर्थन केलं आहे. “सर्वच देशांना आपले नागरीक कोण आहेत, हे जाणून घेण्याचा अधिकार आहे. यामध्ये सरकार सहभागी असल्यामुळे हे प्रकरण राजकीय व्यासपीठावर गेलं आहे. सीएए आणि एनआरसी या दोन्ही मुद्द्यांभोवती सामाजिक सलोखा बिघडवणाऱ्या गोष्टी पसरवून त्यातून राजकीय फायदा मिळवण्याचा प्रयत्न काही लोक करत आहेत”, असं मोहन भागवत म्हणाले आहेत. त्यामुळे आता या मुद्द्यावरून नवी चर्चा सुरू होण्याची शक्यता आहे.