Russia Ukraine Crisis : रशियन सैन्याने केलेल्या हल्ल्यानंतर शुक्रवारी पहाटे युक्रेनमधील झापोरिझ्झ्या अणुऊर्जा प्रकल्पाला आग लागली. नजीकच्या एनरगोदर शहराच्या महापौरांनी ही माहिती दिली आहे. युक्रेनच्या काही भागात जोरदार लढाई आणि गोळीबार सुरू आहे. रशियन आणि युक्रेनियन शिष्टमंडळे गुरुवारी ब्रेस्टमध्ये रशियन आक्रमणावर चर्चा करण्यासाठी चर्चेच्या दुसऱ्या फेरीसाठी भेट घेतली. दरम्यान, युक्रेनचे राष्ट्राध्यक्ष वोलोडिमिर झेलेन्स्की म्हणाले की, जर युक्रेन रशियन सैन्याच्या ताब्यात गेले तर पुढील लक्ष्य बाल्टिक राज्ये असू शकतात. रशियाचे अध्यक्ष व्लादिमीर पुतिन यांच्याशी थेट चर्चा हाच युद्ध संपवण्याचा एकमेव मार्ग असल्याचेही त्यांनी सांगितले. २४ फेब्रुवारी रोजी रशियाने युक्रेनवर आक्रमण करण्याची घोषणा केली होती. या युद्धाला एक आठवडा झाला आहे. १२ लाखांहून अधिक लोक बेघर झाले आहेत. आतापर्यंत शेकडो लोकांना आपला जीव गमवावा लागला आहे. पाश्चिमात्य देशांनी कायम युक्रेनला शस्त्रपुरवठा केला आहे, त्याच्या फौजांना प्रशिक्षण दिले आहे आणि युक्रेनचे रूपांतर रशियाविरोधी तटबंदीत करण्यासाठी तेथे तळ बांधले आहेत, असा आरोप लॅवरॉव्ह यांनी केला. यामुळे आपल्या सुरक्षितलेला धोका निर्माण झाल्यामुळेच आपल्याला युक्रेनविरुद्ध कारवाई करणे भाग पडले, असे रशियाचे म्हणणे आहे.
