scorecardresearch

Premium

“पाकिटमार कधीच एकटा येत नाही..”, पंतप्रधान नरेंद्र मोदींवर टीका करताना राहुल गांधीचं ‘ते’ वक्तव्य चर्चेत

राहुल गांधी यांनी जी टीका केली त्यामुळे त्यांच्या या टीकेची चर्चा सुरु झाली आहे.

Rahul gandhi on narendra modi
पाकिटमाराशी मोदींची तुलना, काय म्हणाले राहुल गांधी? ( संग्रहित छायाचित्र )

काँग्रेसचे नेते राहुल गांधी यांनी राजस्थानमधल्या सभेत पंतप्रधान मोदींवर शेलक्या शब्दांमध्ये टीका केली आहे. पाच राज्यांच्या निवडणुकांच्या पार्श्वभूमीवर राहुल गांधी, नरेंद्र मोदी यांचे दौरे सुरु आहेत. अशात एकमेकांवर टीका करण्याची एकही संधी राहुल गांधी आणि नरेंद्र मोदी सोडत नाहीत. पंतप्रधान नरेंद्र मोदी यांनी अदाणींना सगळं आंदण कसं दिलं याची उदाहरणं राहुल गांधी कायमच देत असतात. आज झालेल्या भाषणात राहुल गांधींनी पंतप्रधान नरेंद्र मोदी, केंद्रीय गृहमंत्री अमित शाह आणि गौतम अदाणी यांची तुलना पाकिटमारांशी केली आहे.

काय म्हणाले आहेत राहुल गांधी?

“पाकिटमार कधीच एकटा येत नाही, तिघेजण असतात. तिघे येतात, कारण पाकिटमार एकटा समोरुन आला तर तो आपला खिसा कसा कापणार? तिघे येतात, एक समोरुन, एक पाठीमागून आणि एक लांब उभा असतो. समोरचा खिसेकापू तुमचं लक्ष विचलित करतो. तो तुम्हाला सांगेल काहीतरी पडलंय. तुमचं लक्ष विचलित झालं की मागचा खिसेकापू तुमचा खिसा कापतो. तिसरा हे सगळं बघत असतो, कुणी येऊ नये हे घडतंय बघायला याची काळजी घेतो किंवा तो पाकिट घेऊन पळून जातो.”

Sharad Pawar criticism that Narendra Modi guarantee has no date pune
मोदींच्या ‘गॅरंटी’ला ‘तारीख’ नाही! शरद पवार यांची टीका
Nikhil Wagles car was smashed in pune ink was thrown on the car
पुणे : निखिल वागळे यांची गाडी फोडली, गाडीवर शाईफेक
pandit jawaharlal nehru
विश्लेषण : पंडित नेहरू आणि इंदिरा गांधी भारतीयांना कमी लेखत होते? पंतप्रधान मोदींनी नेमकं कोणत्या भाषणांचा उल्लेख केला?
Akhilesh Yadav on Bharat Jodo Nyay Yatra
‘भारत जोडो यात्रेचं आमंत्रणच नाही,’ अखिलेश यादव यांच्या विधानानंतर काँग्रेसचे स्पष्टीकरण

नरेंद्र मोदी, गौतम अदाणी आणि अमित शाह यांच्याविषयी काय म्हणाले राहुल गांधी?

“नरेंद्र मोदींचं काम तुमचं लक्ष भरकटवण्याचं आहे. त्यामुळेच ते समोरुन येतात. टीव्हीवर आपल्याशी संवाद साधतात. हिंदू-मुस्लिम, जीएसटी, नोटबंदी, मला फाशी द्या वगैरे वक्तव्य करतात. तेवढ्यात मागून अदाणी येतात तुमचे पैसे घेऊन जातात. तिसरा माणूस म्हणजे अमित शाह, ते कुणाला हे घडलंय कळू नये याची काळजी घेतात.” असं म्हणत राहुल गांधी यांनी पंतप्रधान नरेंद्र मोदी, गृहमंत्री अमित शाह आणि व्यावसायिक गौतम अदाणी यांची तुलना पाकिटमारांशी केली आहे.

याच वर्षी राहुल गांधी यांना खासदारकी गमवावी लागली होती. २०१९ च्या प्रचारसभेत मोदी आडनावाचे लोक चोर का असतात? हा प्रश्न राहुल गांधी यांनी उपस्थित केला होता. त्यावरुन झालेल्या खटल्यात राहुल गांधी यांना गुजरात उच्च न्यायालयाने दोन वर्षांची शिक्षा सुनावली होती आणि राहुल गांधींना खासदारकीही गमावावी लागली होती. मात्र या निर्णयाला सर्वोच्च न्यायालयात आव्हान दिलं गेलं. मोदी आडनावावरुन कथित वादग्रस्त वक्तव्य केल्याप्रकरणी काँग्रेस नेते राहुल गांधी यांच्याविरोधात २०१९ मध्ये मानहानीचा खटला गुजरात न्यायालयात दाखल करण्तात आला होता. गुजरात न्यायालयाने राहुल गांधींना ठोठावलेल्या दोन वर्षांच्या शिक्षेला सर्वोच्च न्यायालयाने स्थगिती देण्यात आली, ज्यानंतर राहुल गांधींना खासदारकी परत मिळाली.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: The pickpocket never comes alone there are three people by this example rahul gandhi criticized narendra modi scj

First published on: 22-11-2023 at 19:11 IST

संबंधित बातम्या

तुम्ही या बातम्या वाचल्या आहेत का? ×