नवी दिल्ली : दिल्लीच्या सत्य निकेतन भागात सोमवारी एका इमारतीचे दुरुस्तीचे काम सुरू असताना ही इमारत कोसळून दोन जणांचा मृत्यू झाला. ढिगाऱ्याखाली गाडल्या गेलेल्या चार मजुरांना बाहेर काढण्यात आल्याची माहिती दिल्ली अग्निशमन दलाचे प्रमुख अतुल गर्ग यांनी दिली. तीन मजली घराचे काम सुरू असताना ही दुर्घटना झाली. ढिगाऱ्याखाली एकूण सात मजूर गाडले गेले होते. त्यापैकी दोघांचा मृ्त्यू ओढवला. महिन्याभरापासून हे काम सुरू होते. सोमवारी दुपारी १ वाजून २० मिनिटांनी इमारतीच्या छताचा निम्मा भाग कोसळला. काही वेळातच तेथे एनडीआरएफच्या पथकाने मदतकार्य सुरू केले.
