उत्तर प्रदेशातील सर्वाधिक १५६४ पर्यटक उत्तराखंडमध्ये बेपत्ता

उत्तराखंडमध्ये गेल्या महिन्यात आलेल्या महापुरात बेपत्ता झालेल्या पर्यटकांमध्ये सर्वाधिक उत्तर प्रदेशातील असल्याची माहिती पुढे आली आहे.

उत्तराखंडमध्ये गेल्या महिन्यात आलेल्या महापुरात बेपत्ता झालेल्या पर्यटकांमध्ये सर्वाधिक उत्तर प्रदेशातील असल्याची माहिती पुढे आली आहे. 
उत्तर प्रदेशातील १५६४ व्यक्तींचा अद्याप शोध लागलेला नाही. उत्तर प्रदेश खालोखाल राजस्थानमधील ८२०, तर मध्य प्रदेशातील ५०४ पर्यटक बेपत्ता आहेत. महाराष्ट्रातून चारधाम यात्रेसाठी उत्तराखंडमध्ये गेलेले २९६ भाविक अजून बेपत्ता आहेत. वेगवेगळ्या राज्यांतून उत्तराखंडमध्ये आलेले सुमारे ४५०० पर्यटक अद्याप बेपत्ता असल्याचे उत्तराखंड सरकारमधील सूत्रांनी सांगितले. उत्तराखंड राज्यातील ७९५ नागरिक महापुरामध्ये बेपत्ता झाले आहेत.
महापुरात बेपत्ता झालेल्या पर्यटकांचा अंतिम आकडा तयार करण्यासाठी उत्तराखंड सरकार वेगवेगळ्या मार्गांचा अवलंब करीत आहे. एफआयआर, सोशल नेटवर्किंग साईट्स, फेसबुकवर तयार करण्यात आलेले विशेष अकाऊंट, हेल्पलाईन क्रमांक या सर्व मार्गांनी उत्तराखंड सरकार यादी तयार करीत आहे. वेगवेगळ्या राज्यांनाही त्यांच्या राज्यातील बेपत्ता नागरिकांची यादी उत्तराखंड सरकारकडे पाठविण्यास सांगण्यात आले आहे. झारखंड आणि पॉंडेचरीवगळता सर्व राज्यांनी या आवाहनाला सकारात्मक प्रतिसाद दिला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Up with 1564 tops list of uttarakhand missing total may touch

ताज्या बातम्या