Happy Diwali 2017 : हे आहे पाडव्याचे महत्त्व

या दिवशी पत्नी पतीला तेलाने मालिश करते. मग उटण्याने आंघोळ घालते. पतीला औंक्षण करते व पती ऒवाळणी घालतो. नवविवाहीत दाम्पत्याची पहिली बलिप्रतिपदा पत्नीच्या माहेरी साजरी करतात. यालाच दिवाळसण म्हणतात. यादिवशी जावयाला मुलीच्या कुटुंबाकडून आहेर दिला जातो. आश्विन कृष्ण चतुर्दशी, अमावास्या व कार्तिक शुद्ध प्रतिपदा. याला बलिराज्य असे म्हणतात. या दिवशी घरातील कचरा काढून ‘इडा पीडा टळो’ म्हणून तो कचरा फेकून दिला जातो. बलिप्रित्यर्थ दीप व वस्त्रे यांचे दान केले जाते.

शुक्रवारी बलिप्रतिपदेच्या दिवशी व्यापाऱ्यांसाठी वह्या लेखन करण्यासाठी सकाळी ६ वाजून ३५ मिनिटांपासून ते सकाळी १० वाजून ५६ मिनिटांपर्यंत शुभ चौकडी मुहूर्तवेळ असल्याचे पंचांगकर्ते व खगोल अभ्यासक दा. कृ. सोमण यांनी सांगितले. त्यामुळे व्यापाऱ्यांनी या वेळेचे पालन केल्यास त्यांच्या व्यवसायात निश्चितच वृद्धी होईल.