महाराष्ट्रातील असं कोणतं ठिकाण, जिथे एकाच जागी दोन वेगवेगळ्या नावाचं स्टेशन आहे? शहराचे नाव वाचून व्हाल थक्क

खरंतर आपण जेव्हा रेल्वेने प्रवास करतो, तेव्हा रेल्वेच्या एका स्थानकावर उतरतो, त्या स्थानकाला एक ठराविक नाव दिलेलं असतं, ज्यामुळे आपल्याला त्या स्थानकाची ओळख पटवताना मदत मिळते. पण, तुम्हाला माहिती आहे का की, महाराष्ट्रात एक असं ठिकाण आहे, जिथे एकाच ठिकाणी दोन रेल्वेस्थानके आहेत आणि ज्याला वेगळी नावंदेखील दिली आहेत. याच कारणामुळे अनेकदा येथे प्रवाशांचादेखील गोंधळ उडतो की त्यांची गाडी नेमकी कोणत्या स्थानकातून सुटणार आहे. आज आम्ही तुम्हाला ही स्थानके नेमकी कुठे आहेत, याविषयी माहिती देणार आहोत. चला तर जाणून घेऊया…

महाराष्ट्रातील ‘या’ एकाच ठिकाणी दोन रेल्वेस्थानकं

महाराष्ट्रातील अहिल्यानगर जिल्ह्यात श्रीरामपूर आणि बेलापूर स्थानके एकाच ठिकाणी असून ते ट्रॅकच्या विरुद्ध बाजूस आहेत. अनेकदा जेव्हा आपण स्थानकावर जातो, तेव्हा सर्व प्लॅटफॉर्म आणि स्थानकांचे नाव एकच असते, परंतु महाराष्ट्रातील अहिल्यानगरमध्ये अनेकदा लोक गोंधळून जातात. महाराष्ट्रातील अहिल्यानगररमधील हे स्थानक खूप प्रसिद्ध आहे. येथे तिकीट खरेदी करण्यापूर्वी कोणत्याही प्रवाशाला ट्रेन कोणत्या प्लॅटफॉर्मवर येणार हे स्पष्टपणे समजून घेणे आवश्यक आहे, कारण श्रीरामपूर आणि बेलापूर स्थानके एकाच ठिकाणी आहेत. फरक एवढाच आहे की ही दोन्ही स्थानके ट्रॅकच्या विरुद्ध बाजूस आहेत. बेलापूर आणि श्रीरामपूर शहरापासून ५ किमी अंतरावर रेल्वेस्थानक आहे. हे छत्रपती संभाजीनगर, शिर्डी आणि अहिल्यानगर या रेल्वेस्थानकाशी जोडले गेले आहेत.

दोन राज्यांच्या सीमेवर बांधलेले देशातील अनोखे रेल्वेस्थानक

भारतात एक अनोखे रेल्वेस्थानकदेखील आहे, जिथे दोन राज्यांच्या सीमा जोडल्या जातात. निम्मे स्थानक गुजरातमध्ये आणि अर्धे महाराष्ट्रात आहे. नवापूर रेल्वेस्थानक गुजरात आणि महाराष्ट्राच्या सीमेवर आहे. दोन राज्यांमध्ये विभागलेल्या या अनोख्या नवापूर रेल्वेस्थानकावर रेल्वे प्रवाशांना चार वेगवेगळ्या भाषांमध्ये माहिती दिली जाते. येथे हिंदी, इंग्रजी, गुजराती आणि मराठीमध्ये घोषणा दिल्या जातात.