लोक सुट्टीच्या दिवसात निसर्ग सौंदर्याचा आनंद लुटण्यासाठी फिरायला जात असतात. काही लोकांना डोंगरभाता फिरायला आवडतं. तर कुणाला महासागरात लपलेल्या सुंदर बेटांवर जायला आवडतं. काही बेटं इतकी सुंदर असतात की त्यांचं सौंदर्य पाहून मन प्रसन्न झाल्याशिवाय राहत नाही. पण आज आम्ही तुम्हाला जगातील सर्वात खतरनाक बेटांबद्दल माहिती देणार आहोत. कारण या ठिकाणी गेल्यावर धोक्याची घंटा वाजू शकते. ही बेटे सुंदर आहेत पण तितकीच धोकादायकही आहेत. जाणून घ्या यामागची कारणे.
सबा आयलॅंड
नेदरलॅंडमध्ये ‘सबा आयलॅंड’ वसलेलं आहे. या छोट्या बेटाचं क्षेत्रफळ फक्त १३ वर्ग किलोमीटर आहे आणि हे बेट खूप आकर्षित आहे. परंतु, या ठिकाणी खतरनाक समुद्री वादळं येतात. या वादळांमुळे अनेक जहाजांना या बेटाजवळ अपघात झाला आहे. जहात तुटून पाण्यात बुडाले आहेत. सध्याच्या घडीला या बेटावर जवळपास २ हजार लोक राहतात.
मगरींचं बेट, राम्री आयलॅंड
म्यानमार मध्ये खतरनाक ‘राम्री आयलॅंड’ आहे. या आयलॅंडला ‘मगरींचं बेट’ असंही म्हटलं जातं. या ठिकाणी अनेक खतरनाक मगरींनी भरलेली झील आहे. या बेटाचं नाव गिनीज वर्ल्ड रेकॉर्डमध्ये नोदंवलं गेलं आहे. कारण इथे राहणाऱ्या मगरींनी सर्वात जास्त लोकांवर हल्ला केला आहे. दुसऱ्या महायुद्धादरम्यान जवळपास १००० हजार जपानी सैनिक या बेटावर राहत होते. परंतु, येथील भयानक मगरींनी त्यांच्यावर हल्ला केला आणि त्यांना खाऊन टाकलं. फक्त २० सैनिकच वाचले होते. उर्वरीत ९८० सैनिकांची मगरींनी शिकार केली होती. परंतु, काही शास्त्रज्ञ आणि इतिहासकार या घटनेला सत्य मानत नाहीत.
‘आयसोल ला गॅलोआ‘
‘आयसोल ला गॅलोआ’ हा एक खतरनाक आयलॅंड आहे. हे बेट इटलीत आहे. नेपल्सच्या खाडीत हे छोटसं बेट वसलेलं आहे आणि याची कहाणी खूप भयानक आहे. जो कोणी याला खरेदी करतं, त्याचा मृत्यू होतो किंवा त्याच्या कुटंबात एखादी वाईट घटना घडते, असं म्हटलं जातं. या बेटाला खरेदी करणाऱ्या अनेक लोकांचा मृत्यू झाला आहे. आता हे बेट सरकारच्या ताब्यात आहे. लोक या बेटावर फिरायला जातात पण रात्र व्हायच्या आधीच परत निघून येतात.
लुजोन आयलॅंड
फिलिपीन्सचा ‘लुजोन द्वीप’ वॉल्कॅनो आयलॅंड म्हणून प्रसिद्ध आहे. कारण या ठिकाणी एक खतरनाक आणि सक्रीय ज्वालामुखी आहे. ज्याला ताल वॉल्कॅनो असंही म्हटलं जातं. या ज्वालामुखीच्या क्रेटरमध्ये एक झील आहे. ज्याला ताल झील म्हटलं जातं. जगभरातील लोक या आयलॅंडला पाहण्यासाठी येतात. पण या ठिकाणी जाणं धोकादायक आहे. कारण ज्वालामुखीचा कधी स्फोट होऊ शकतो, हे कुणालाच माहित नसतं. नुकतीच अशी घटना घडली होती. त्यामुळे आजूबाजूचं परिसर रिकामं करण्यात आलं होतं.
