लॅपटॉप चार्जर दोन भागांमध्ये का असतो तुम्हाला माहितेय का? जाणून घ्या खरं कारण… | laptop charger trick and tips interesting facts why the laptop charger is divided into two part

Laptop Charger Trick : हल्ली अनेक जण लॅपटॉप वापरतात; परंतु तुम्ही कधी त्याच्या चार्जरकडे लक्ष दिले आहे का? तुम्ही नीट पाहिलं तर लक्षात येईल की, लॅपटॉप चार्जर हा नेहमी दोन भागांमध्ये विभागलेला असतो.

लॅपटॉप चार्जर दोन भागांमध्ये का असतो? (photo - लोकसत्ता ग्राफिक्स टीम)

Interesting Facts About Laptop Charger : आजकाल जवळपास सर्वच घरांमध्ये लॅपटॉपचा वापर केला जातो. ऑफिस, कॉलेज आणि इतर अनेक कामांच्या अनुषंगाने लॅपटॉपचा वापर मोठ्या प्रमाणात वाढला आहे. लॅपटॉप वापरताना त्याची बॅटरी संपली की, ती चार्ज करावी लागते. लॅपटॉप वापरणाऱ्यांसाठी ही रोजची गोष्ट आहे. पण, तुम्ही कधी लॅपटॉप चार्ज करताना पाहिलं आहे का की, लॅपटॉप चार्जर दोन भागांत विभागलेला असतो. पण, असे का ते तुम्हाला माहितेय का? इतकेच नाही, तर या चार्जरमधील एका भागामध्ये ब्लॅक बॉक्स का असतो, याचा तुम्ही कधी विचार केला आहे का? लॅपटॉप चार्जरबाबत असे काही प्रश्न तुमच्या मनात असतील, तर आज आम्ही तुम्हाला त्यामागचे खरे कारण सांगणार आहोत.

लॅपटॉप चार्जर दोन भागांत का असतो? (Laptop Charger Hacks)

लॅपटॉप चार्जरच्या एका भागामध्ये ब्लॅक बॉक्स असतो, ज्याला फेराइट बीड, फेराइट चोक किंवा फेराइट सिलिंडर, असे म्हटले जाते. वास्तविक हे एक प्रकारचे इलेक्ट्रॉनिक सर्किट आहे. (what are the two parts of a laptop charger called) हे सर्किट लॅपटॉपपर्यंत पोहोचणारी हाय फ्रीक्वेन्सी कमी करण्याचे कार्य करते आणि त्यामुळे डिव्हाइस खराब होण्याची शक्यता कमी झाल्याने लॅपटॉपचे कोणतेही नुकसान होत नाही. या सर्व बाबी लक्षात घेऊन लॅपटॉपचा चार्जर दोन भागांत बनवला जातो.

लॅपटॉप चार्जरमध्ये ब्लॉक बॉक्स का असतो?

लॅपटॉप चार्जरला दोन स्वतंत्र भागांमध्ये विभागलेला असतो आणि त्याच्या एका भागामध्ये लॅपटॉपचा ब्लॅक बॉक्स असतो. या ब्लॅक बॉक्सला लॅपटॉपची संरक्षणात्मक ढाल, असे म्हटले तरी वावगे ठरणार नाही. हा बॉक्स लॅपटॉपचे संरक्षण करतो. कारण- हा बॉक्स नसता, तर हाय रेडिओ फ्रीक्वेन्सीमुळे लॅपटॉपच्या स्क्रीनमध्ये समस्या उदभवू शकल्या असत्या. आता तुमच्या लक्षात आले असेल की, बहुतेक कंपन्यांच्या लॅपटॉप चार्जरमध्ये एक गोलाकार किंवा चौकोनी आकाराचा बॉक्स असतो. तुम्ही या बॉक्सला लॅपटॉपचे संरक्षक आवरणदेखील म्हणू शकता. पण, ॲपलच्या लॅपटॉप चार्जरमध्ये असा बॉक्स नसतो. या कंपनीच्या लॅपटॉप चार्जरचा प्लगच एका मोठ्या बॉक्ससारखा आहे आणि इतर कंपन्यांच्या चार्जरमधील ब्लॅक बॉक्स जे काम करतो तेच काम हा प्लग करीत असतो.

TOPICSज्ञान Knowledge टेक न्यूज Tech News मराठी बातम्या Marathi News

मराठीतील सर्व FYI बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Laptop charger trick and tips interesting facts why the laptop charger is divided into two part sjr

Laptop Charger दोन भागांमध्ये का असतो तुम्हाला माहितेय का? जाणून घ्या खरं कारण….

लॅपटॉप चार्जर दोन भागांत का असतो? (Laptop Charger Hacks)

लॅपटॉप चार्जरमध्ये ब्लॉक बॉक्स का असतो?