News Flash

पार्थ पवारांची धावाधाव; बैलगाडी, रिक्षा, रेल्वेतून घेतल्या जनतेच्या गाठी-भेटी

पार्थ पवार काल रात्री पनवेलमध्ये रस्त्यावरुन धावताना दिसले. त्यामुळे हे सोशल मीडियावरही चर्चेचा विषय ठरले होते.

पिंपरी-चिंचवड : मावळचे राष्ट्रवादीचे उमेदवार पार्थ पवार यांनी जनतेशी अशा प्रकारे विविध माध्यामांतून प्रत्यक्ष संवाद साधला.

राष्ट्रवादी काँग्रेसचे मावळ लोकसभा मतदारसंघाचे उमेदवार पार्थ पवार प्रचारासाठी जनतेच्या प्रत्यक्ष भेटी-गाठी घेण्यावर भर देत आहेत. त्यासाठी ते दिवस-रात्र एक करीत आहेत. काल रात्री ते रस्त्यावरुन धावत जाऊन लोकांच्या भेटी घेताना तर आज बैलगाडी हाकताना, रेल्वेतून तसेच रिक्षातून प्रवास करताना दिसले. मात्र, त्यांच्या या खटाटोपाचे रुपांतर मतांमध्ये होऊ शकेल का? हे येत्या काही दिवसांतच स्पष्ट होईल.

काही दिवसांपूर्वी पिंपरी-चिंचवड शहरातील इस्कॉन मंदिराच्या श्री जगन्नाथ रथयात्रेत त्यांनी धार्मिक गीतांवर ठेका धरला होता. तसेच काल रात्री ते पनवेलमध्ये रस्त्यावरुन धावताना दिसले. त्यामुळे पार्थ पवार हे सोशल मीडियावरही चर्चेचा विषय ठरत आहेत.

दरम्यान, आज मावळ लोकसभा मतदार संघात पार्थ यांचा प्रचार दौरा सुरू आहे. सकाळी नऊ वाजल्यापासून ते प्रचारात व्यस्त असून मावळमधील शिवणे येथे त्यांनी बैलगाडी हाकली. एका ठिकाणी त्यांनी रिक्षातूनही प्रवास केला. परंतू, त्यांच्या या स्टंटबाजीचे रूपांतर मतात होणार का? हा मोठा प्रश्न असून पार्थ यांच्याकडून येणाऱ्या काळात आणखी किती स्टंट बघायला मिळतील हा चर्चेचा विषय आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 28, 2019 3:56 pm

Web Title: parth pawar meeting with people of his constituency through railway bullock cart rickshaw
Next Stories
1 भारताने सांगितलेल्या जागांवर दहशतवादी तळ नाहीतच, पाकच्या उलट्या बोंबा
2 डास चावल्याने मृत्यू झाल्यास अपघाती विम्याअंर्गत दावा करता येणार नाही: सर्वोच्च न्यायालय
3 तुमचं नागपूरचं बंडल तिथेच ठेवा, सुप्रिया सुळेंची टीका
Just Now!
X