20 October 2020

News Flash

मावळ्यांच सरकार पाहिजे की मावळला ‘गोळीबार’ करणाऱ्यांचं – उद्धव ठाकरे

बारामतीची भानामती इथं चालणार नसल्याचे ते म्हणाले.

उद्धव ठाकरे

मावळ लोकसभा मतदार संघात मावळ्यांच सरकार हवंय की मावळला गोळीबार करणाऱ्यांच असा सवाल उपस्थित कार्यकर्त्याना शिवसेनेचे पक्ष प्रमुख उद्धव ठाकरे यांनी करत अजित पवार यांच्यावर नाव न घेता निशाणा साधला. ते विद्यमान खासदार श्रीरंग बारणे यांच्या प्रचार सभेत पिंपरी-चिंचवडमध्ये बोलत होते. यावेळी शिवसेनवचे संजय राऊत,आमदार लक्ष्मण जगताप,खासदार श्रीरंग बारणे,आमदार गौतम चाबुकस्वार व कार्यकर्ते उपस्थित होते.

उद्धव ठाकरे म्हणाले, विरोधकांना घरी बसवायचं आहे,सध्या मावळ लोकसभा मतदार संघात काही हजार लोक आले आहेत.परंतु, बारामतीची भानामती इथं चालणार नसल्याचे ते म्हणाले. गेल्या लोकसभेत,विधान सभेत आणि महानगर पालिकेच्या निवडणुकीत पराभव केलेला आहे.आताच्या लोकसभेत देखील तेच होणार.मावळचा गोळीबार कोणी केला? कोणाचं सरकार होतं, पाहिजे का ते सरकार अस ठाकरे कार्यकर्त्याना म्हणाले. मला तुम्हाला एक प्रश्न विचारायचा आहे. मावळ्यांच सरकार पाहिजे की मावळला गोळीबार करणाऱ्यांचं पाहिजे असा प्रश्न उपस्थित कार्यकर्त्याना केला.

शिरूर लोकसभा मतदार संघात छत्रपती शिवाजी महाराज आणि छत्रपती संभाजी महाराज यांची भूमिका साकारणारे निवडणूक लढवत आहेत. छत्रपती शिवाजी महाराज आणि छत्रपती संभाजी महाराज हे अवघ्या महाराष्ट्राचे दैवत आहेत. ती भूमिका मालिकेपुरती आहे. असे म्हणत शिरूर लोकसभेचे राष्ट्रवादीचे उमेदवार डॉ.अमोल कोल्हे यांचा खरपूस समाचार उद्धव ठाकरे यांनी घेतला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 25, 2019 10:46 pm

Web Title: uddhav thackeray was speaking in the public meeting in pimpri chinchwad
Next Stories
1 उद्धव ठाकरे मी मैदानात उतरण्याची गरज नाही माझे पहिलवानच तुम्हाला भारी पडतील -शरद पवार
2 अक्षय कुमार सारखा प्रश्न विचारण्याची हिम्मत कुठल्या पत्रकाराचीही झाली नसती – राज ठाकरे
3 अटलबिहारी वाजपेयींच्या अंत्ययात्रेच्या व्हिडिओचा मोदींच्या प्रचारासाठी वापर – राज ठाकरे
Just Now!
X