Rohit Pawar vs Ajit Pawar: महाराष्ट्रातील ११ लोकसभा मतदारसंघांसह आज लोकसभा निवडणुकीच्या तिसऱ्या टप्प्यात देशात सकाळी ७ वाजल्यापासून मतदानाला सुरुवात झाली आहे. देशातील १० राज्य व एका केंद्रशासित प्रदेशात ९३ जागांसाठी आज मतदान होत आहे. पंतप्रधान नरेंद्र मोदींपासून ते महाराष्ट्राचे उपमुख्यमंत्री अजित पवारांपर्यंत अनेक मोठ्या नेत्यांनी सुद्धा आज मतदानाचा हक्क बजावला आहे. काटेवाडी येथे मतदान केल्यानंतर आज पैसे वाटल्याच्या आरोपावरून रोहित पवार यांच्यावर अजित पवारांनी जोरदार टीका केली होती. ज्याला प्रत्युत्तर देत रोहित पवारांनी पुन्हा एका पोस्टमधून काकांवर टीकेची झोड घेतली आहे. तुम्ही राष्ट्रवादीची एकहाती सत्ता आणून मुख्यमंत्री झाला असतात असं लोक म्हणतायत असं लिहीत रोहित पवार नेमकं काय म्हणालेत हे पाहूया..

अजित पवार काय म्हणाले?

हे काम निवडणूक आयोगाचे काम आहे. आजपर्यंत मी सातवेळा विधानसभा आणि एक लोकसभा लढवली आहे. त्यामुळे असे प्रकार करत नाही. कारण नसताना विरोधकांचे काही बगलबच्चे अशा प्रकारचे आरोप करत होते. ते आमच्यावरही आरोप करत आहेत. आम्हीही त्यांच्यावर आरोप करू शकतो. त्यांनी चुकीच्या पद्धतीने निवडणुकीची हाताळणी केली. ते काहीही आऱोप करत आहेत. तुम्ही स्वत: ती बँक उघडी पाहिली का? जो समोरचा आरोप करतो, त्याच्यावर काहीतरी परिणाम झालेला आहे. त्यामुळे ते आरोप करत असावेत. माझ्या दृष्टीने त्या आरोपाला काहीही महत्व नाही. त्या प्रश्नाला उत्तर देण्याची गरजही मला वाटत नाही”, असे प्रत्युत्तर अजित पवार यांनी रोहित पवारांना दिले.

supriya sule on manipur conflict
“मणिपूर भारताचा महत्त्वाचा भाग, काल परवाच तिथे…”; मोहन भागवतांच्या विधानानंतर सुप्रिया सुळेंची मोदी सरकारवर टीका!
devendra fadnavis analysis
“आपण तीन नाही, तर चार पक्षांशी लढत होतो, तो चौथा पक्ष म्हणजे…”; देवेंद्र फडणवीसांकडून लोकसभेतील निकालाचं विश्लेषण!
Sushma Andhare on Devendra Fadnavis
“देवेंद्र फडणवीस यांची ‘एक्झिट’ नक्की, आता विनोद तावडे…”, सुषमा अंधारे यांचं सूचक विधान
Sushma Andhare, Devendra Fadnavis,
“देवेंद्र फडणवीसांच्या अतिमहत्त्वाकांक्षेमुळेच…”, सुषमा अंधारेंची टीका; म्हणाल्या, “बाप हा बाप असतो”!
ajit pawar anjali damania
“अजित पवारांचं आव्हान स्वीकारते, पण एक अट…”, अंजली दमानियांचं प्रत्युत्तर ; म्हणाल्या, “तुमचे विशाल अग्रवालशी…”
Jitendra Awhad ajit pawar pune accident
पुण्यातील अपघात प्रकरणावरून आव्हाडांची अजित पवारांवर टीका; म्हणाले, “राष्ट्रवादीचं कार्यालय खरेदीसाठी…”
Sanjay Shirsat On Sanjay Raut
संजय राऊत यांच्या ‘त्या’ विधानाला प्रत्युत्तर देताना संजय शिरसाटांचा गौप्यस्फोट; म्हणाले, “मुख्यमंत्रीपदासाठी…”
Chhagan Bhujbal - Sharad Pawar
“पक्ष फुटला नसता तर मीच मुख्यमंत्री झालो असतो”, शरद पवारांच्या ‘त्या’ दाव्यावर छगन भुजबळांची प्रतिक्रिया

रोहित पवारांचं प्रत्युत्तर

अजित पवारांच्या टीकेला प्रत्युत्तर देताना पुन्हा आता रोहित पवारांनी पोस्ट लिहिली आहे. रोहित पवार म्हणाले की, “अजितदादा माझ्यावर परिणाम झाल्याचा आरोप तुम्ही केला असला तरी काही फरक पडत नाही.पण परिणाम नेमका कुणावर झाला आणि पराभवाच्या भितीने कुणाच्या पायाखालची जमीन सरकली, हे संपूर्ण महाराष्ट्र उघड्या डोळ्यांनी बघतोय. आणि म्हणूनच बारामती मतदारसंघात पाण्यासारखा पैसा वाहतोय. तुम्ही सात वेळा निवडणूक लढवली पण असले प्रकार केले नसल्याचे सांगता. पण अजितदादा त्यावेळी आजच्या इतकं ‘लक्ष्मी दर्शन’ घडवलं असतं तर राज्यात राष्ट्रवादीची एकहाती सत्ता आणून तुम्ही आज मुख्यमंत्री असता, असं लोकं म्हणतायेत.”

हे ही वाचा<< Video: उद्धव ठाकरेंनी भरसभेत मागितलं मोदींसाठी मत? म्हणाले, “काँग्रेसकडे एक तरी चेहरा..”, ‘ही’ सभा कधी झाली?

दरम्यान आज महाराष्ट्रातील बहुप्रतीक्षित अशा नणंद विरुद्ध भावजय लढतीचा सुद्धा महत्त्वाचा दिवस आहे. शरद पवार विरुद्ध अजित पवार अशा लढतीच्या प्रतिनिधी असणाऱ्या उपमुख्यमंत्र्यांच्या पत्नी सुनेत्रा पवार व विद्यमान खासदार सुप्रिया सुळे यांची आज परीक्षा असणार आहे. बारामतीकर नेमकं कुणाच्या बाजूने कौल देतात हे पाहण्यासाठी आपल्याला लोकसभा निवडणुकीच्या निकालाचा दिवस म्हणजेच ४ जूनची वाट पाहावी लागणार आहे.