VIDEO: कर्नाटकातील विजयानंतर ढसाढसा रडत काँग्रेस प्रदेशाध्यक्ष डी. के. शिवकुमार म्हणाले, “मी कधीही विसरू शकत नाही की सोनिया गांधी…”

डी. के. शिवकुमार म्हणाले, “काँग्रेसचे कार्यकर्ते आणि नेत्यांनी खूप मेहनत घेतली. जनतेने आमच्यावर विश्वास दाखवला, नेत्यांनी आम्हाला पाठिंबा दिला. हे सामूहिक नेतृत्वाचं फळ आहे. मी सोनिया गांधी, राहुल गांधी, प्रियंका गांधी आणि मल्लिकार्जून खरगे यांना विश्वास देतो की, आम्ही कर्नाटकच्या जनतेच्या अपेक्षा पूर्ण करू.”

“सोनिया गांधी मला भेटायला तुरुंगात आल्या”

“मी हे कधीही विसरू शकत नाही की, या भाजपाच्या लोकांनी मला तुरुंगात टाकलं तेव्हा सोनिया गांधी मला भेटायला तुरुंगात आल्या. मी तुरुंगात राहणं पसंत केलं. हा गांधी कुटुंबाने, काँग्रेस पक्षाने आणि देशाने माझ्यावर टाकलेला विश्वास आहे,” असं शिवकुमार यांनी सांगितलं.

व्हिडीओ पाहा :

हेही वाचा : Karnataka Election Results 2023 Live : कर्नाटकचे मुख्यमंत्री कोण होणार? विजयानंतर काँग्रेस अध्यक्ष मल्लिकार्जून खरगे म्हणाले…

“हे कुणा एका व्यक्तीच्या कामाचं यश नाही”

“मी सिद्धरमय्या, सर्व आमदार आणि राज्यातील माझ्या सर्व नेत्यांचे आभार मानतो. त्यांनी जबाबदारी घेऊन बुथ पातळीवर काम केलं. हे कुणा एका व्यक्तीच्या कामाचं यश नाही. मला खूप गोष्टी सांगायच्या आहेत. मी नंतर भारत जोडो भवन येथे येऊन या सर्व गोष्टींवर बोलेन,” असंही डी. के. शिवकुमार यांनी नमूद केलं.