भारतीय जनता पार्टी गेल्या १० वर्षांपासून देशात सत्तेवर आहे. या १० वर्षांच्या काळात भाजपा सरकारने अनेक मोठे आणि धक्कादायक निर्णय घेतल्याचं जनतेनं पाहिलं आहे. नोटबंदी करणे, जीएसटी लागू करणे, जम्मू काश्मीर राज्याला विशेष दर्जा देणारं कलम ३७० हटवणे ही त्यापैकी प्रमुख उदाहरणं. पंतप्रधान नरेंद्र मोदींच्या सरकारने गेल्या १० वर्षांत अनेकदा संविधान संशोधनही केलं. एनडीएकडे लोकसभेत बहुमत असल्याने आणि राज्यसभेत सर्वाधिक सदस्य असल्यामुळे मोदी सरकारला संविधानात बदल करता आले. दरम्यान, भारतीय जनता पार्टीने यंदाच्या लोकसभा निवडणुकीत ‘अब की बार ४०० पार’चा नारा दिला आहे. भारतात सत्तास्थापन करण्यासाठी लोकसभेच्या केवळ २७२ जागा (बहुमत) जिंकणं आवश्यक असतं. मात्र भाजपाप्रणित एनडीएने देशभरात ४०० जागा जिंकण्याचा निर्धार केला आहे. त्यामुळे विरोधक भाजपाच्या या निर्धाराबाबत शंका उपस्थित करत आहेत.

“भाजपाला देशाचं संविधान बदलायचं आहे, घटना रद्द करायची आहे”, असे दावे विरोधकांकडून होत आहेत. तसेच, “भाजपा ४०० जागा जिंकली तर यंदाची लोकसभा निवडणूक ही शेवटची निवडणूक असेल, देशात हुकूमशाही सुरू होईल”, असेही दावे केले जात आहेत. दरम्यान, विरोधकांच्या या आरोपांना पंतप्रधान मोदी यांनी उत्तर देऊन त्यांची तोंडं बंद कायमची करावित अशी मागणी महाराष्ट्र नवनिर्माण सेनेचे अध्यक्ष राज ठाकरे यांनी केली आहे.

Meeting regarding Lok Sabha Speaker candidate
लोकसभा अध्यक्षपदाच्या उमेदवाराबाबत बैठक
Hasan Mushrif, Sanjay Mandalik,
संजय मंडलिक यांच्या पराभवाला हसन मुश्रीफ जबाबदार? भाजपच्या निष्कर्षाने कोल्हापुरात महायुतीत वादाची ठिणगी
farmers displeasure hit in lok sabha elections say cm eknath shinde confession
लोकसभा निवडणुकीत शेतकऱ्यांच्या नाराजीचा फटका ; मुख्यमंत्र्यांची कबुली; कांदा, दूध, कापसाच्या दरांवरून रोष भोवला
Mallikarjun Kharge Said This Thing about Narendra Modi
“दुसऱ्यांच्या घरातल्या खुर्च्या उधार घेऊन..”, मल्लिकार्जुन खरगेंची पंतप्रधान मोदींवर टीका
Modi 3 0 Cabinet Narendra Modi swearing in ceremony Cabinet posts
भाजपाकडून राजनाथ-गडकरी निश्चित! एनडीएच्या तिसऱ्या मंत्रिमंडळात घटक पक्षातील कुणाला किती मिळणार मंत्रिपदे?
Amit Deshmukh, marathwada,
अमित देशमुख यांच्या नेतृत्वावर मराठवाड्यात शिक्कामोर्तब
Shinde group displeasure over BJP interference
भाजपच्या हस्तक्षेपावर शिंदे गटाची नाराजी; निकालानंतर पक्ष नेते आक्रमक
Make Nitin Gadkari Prime Minister workers deamad in front of gadkari residence
Maharashtra Lok Sabha Election Result 2024 : नितीन गडकरींना पंतप्रधान करा, निवासस्थानापुढे कार्यकर्त्यांच्या घोषणा

महायुतीच्या मुंबईतील लोकसभेच्या सर्व सहा उमेदवारांच्या प्रचारासाठी भारतीय जनता पार्टी आणि शिवसेनेच्या शिंदे गटाने पंतप्रधान मोदी यांच्या उपस्थितीत आज (१७ मे) मुंबईच्या छत्रपती शिवाजी महाराज पार्कवर संयुक्त सभा आयोजित केली होती. या सभेला पंतप्रधानांसह राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार, केंद्रीय मंत्री पियुष गोयल, केंद्रीय राज्यमंत्री रामदास आठवले आणि महाराष्ट्र नवनिर्माण सेनेचे अध्यक्ष राज ठाकरे उपस्थित होते. यावेळी राज ठाकरे यांनीदेखील सभेला संबोधित केलं.

हे ही वाचा >> “उद्धव ठाकरे म्हणाले, मी यू टर्न घेतोय, शिवसैनिकांसमोर आमची आब्रू…”, फडणवीसांनी सांगितला ‘मातोश्री’वरील घटनाक्रम

शिवाजी पार्कवरील सभेत राज ठाकरे म्हणाले, “पंतप्रधान नरेंद्र मोदींकडे माझी एक मागणी आहे. ते गेल्या काही सभांमधून सांगत आहेत, परंतु आज जरा त्यांनी खडसावून सांगावं. त्यांनी विरोधकांना सांगावं की या भारतात डॉ. बाबासाहेब आंबेडकर यांनी जे संविधान उभं केलं आहे, त्याला कुठेही धक्का लागणार नाही. तुम्ही (नरेंद्र मोदी) कधी आपल्या संविधानाला धक्का लावणार नव्हता, मात्र तुमचे विरोधक ज्या प्रकारचा प्रचार करत आहेत. ते पाहता त्यांना उतर देऊन तुम्ही त्यांची तोंडं एकदाची बंद करायला हवीत. त्यांची तोंडं परत कधी उघडली जाऊ नयेत यासाठी तुम्ही आज त्यांना खडसावून सांगा की आपल्या संविधानाला कुठेही धक्का लागणार नाही.”