जवळपास दोन महिने तिहार तुरुंगात काढल्यानंतर दिल्लीचे मुख्यमंत्री अरविंद केजरीवाल यांना सर्वोच्च न्यायालयाने जामीन दिला आहे. तुरुंगातून बाहेर पडल्यावर केजरीवाल आता राजकीय व्यासपीठांवर दिसू लागले आहेत. तसेच लोकसभा निवडणुकीच्या पार्श्वभूमीवर आम आदमी पार्टीची मोर्चेबांधणी करत आहेत. दरम्यान, दिल्लीमधील आपच्या कार्यालयात घेतलेल्या पत्रकार परिषदेत केजरीवाल म्हणाले, यंदाच्या लोकसभा निवडणुकीत भारतीय जनता पार्टी जिंकली तर ४ जूननंतर विरोधी पक्षांमधील अनेक नेते गजाआड होतील. याचबरोबर केजरीवाल यांनी दावा केला की, “निवडणुकीच्या निकालानंतर दोन महिन्यांनी मोदी पंतप्रधानपदाचा राजीनामा देतील आणि अमित शाह हे पंतप्रधान होतील.”

नरेंद्र मोदींनी भारतीय जनता पार्टीची सूत्रं हाती घेतल्यानंतर पक्षातील नेत्यांसाठी एक नियम बनवला. त्यांनी वयाची पंच्याहत्तरी पार केलेल्या नेत्यांनी राजकारणातून निवृत्ती घेण्याचा नियम केला. या नियमांतर्गत भाजपाचे ज्येष्ठ नेते लालकृष्ण अडवाणी, मुरली मनोहर जोशींसारख्या पक्षातील मातब्बर नेत्यांना पक्षाच्या सल्लागार मंडळात नियुक्त करण्यात आलं. मोदी पुढच्या वर्षी ७५ वर्षांचे होत आहेत. त्यामुळे या लोकसभा निवडणुकीनंतर काही महिन्यांनी ते पंतप्रधानपदाचा राजीनामा देतील आणि अमित शाह हे देशाची धुरा हाती घेतील, असे दावे केले जात आहेत. केजरीवाल यांनी म्हटलं आहे की, “सध्या नरेंद्र मोदी हे स्वतःसाठी नव्हे तर अमित शाह यांच्यासाठी मतं मागत आहेत.”

Ganesh Naik, Ganesh Naik statement,
मुख्यमंत्री आणि गणेश नाईक विसंवाद मिटता मिटेना, गणेश नाईकांच्या विधानाची कार्यकत्यांमध्ये चर्चा
Uddhav Thackeray statement that he won in the people court now expect from the goddess of justice
जनतेच्या न्यायालयात जिंकलो, आता न्यायदेवतेकडून अपेक्षा; वर्धापनदिनी उद्धव ठाकरे यांचे वक्तव्य
ravindra waikar on evm hacking
“…म्हणून ४८ मतांनी माझा विजय झाला”; रवींद्र वायकरांनी सांगितलं मतांचं गणित; ईव्हीएम हॅक करण्याच्या आरोपावर म्हणाले…
Pawar Family Legacy and rifts Short history Sharad Pawar family NCP
पवार विरुद्ध पवार! आपल्याच काकांना शह देणाऱ्या कोणत्या पुतण्याचे राजकारण ठरणार यशस्वी?
A sign of major organizational change in the BJP
भाजपमध्ये मोठ्या संघटनात्मक बदलाचे संकेत; पक्षाध्यक्षपदासाठी यादव, खट्टर, चौहान यांचा विचार
lok sabha election results 2024 bjp leaders hold meeting on eve of lok sabha poll counting
मतमोजणीच्या पूर्वसंध्येला भाजप नेत्यांची बैठक
reasons given by Congress leaders for ignoring pm narendra modis statement about Gandhi
गांधीबाबत मोदींच्या विधानाकडे दुर्लक्ष, काँग्रेस नेत्यांनी दिली ही कारणे
rahul gandhi
VIDEO : शेवटच्या टप्प्यातील प्रचार संपल्यानंतर राहुल गांधींचा कार्यकर्त्यांना संदेश; म्हणाले, “शेवटच्या क्षणापर्यंत…”

केजरीवाल यांच्यासह विरोधकांनी केलेल्या दाव्यांवर भाजपाचे वरिष्ठ नेते आणि देशाचे संरक्षण मंत्री राजनाथ सिंह यांनी प्रतिक्रिया दिली आहे. राजनाथ सिंह म्हणाले, मी भारतीय जनता पार्टीचा एक वरिष्ठ नेता म्हणून सांगतोय. २०२४ च्या लोकसभा निवडणुकीचा निकाल लागल्यानंतर नरेंद्र मोदी हेच देशाचे पंतप्रधान होतील. तसेच २०२९ च्या लोकसभा निवडणुकीनंतरही मोदीच देशाचे पंतप्रधान होतील. मला वाटतं तुम्ही (प्रसारमाध्यमं) ज्या प्रकारची चर्चा करताय, त्यावर यापेक्षा दुसरं कुठलंही स्पष्ट उत्तर असू शकत नाही. मोदी हेच पंतप्रधान होणार आहेत. आम्ही याहून वेगळा विचार केलेला नाही आणि तसा करताही येणार नाही.

हे ही वाचा >> शिवसेना, राष्ट्रवादी, मनसेची ताकद, तरी मोदींना महाराष्ट्रात इतक्या सभा का घ्याव्या लागतायत? फडणवीसांनी सांगितलं कारण

संरक्षणमंत्री म्हणाले, ज्या व्यक्तीने आंतरराष्ट्रीय स्तरावर आपल्या देशाची प्रतिमा इतकी उंचावली आहे, ज्या व्यक्तीने आपल्या देशाची प्रतिष्ठा वाढवली आहे, आपली अर्थव्यवस्था मजबूत केली आहे, तीच व्यक्ती भारताची पंतप्रधान होईल. आता आंतरराष्ट्रीय कंपन्या आणि संस्थदेखील दावा करत आहेत की जो भारत २०१४ पर्यंत तंत्रज्ञानाच्या जगात ११ व्या क्रमांकावर होता, तोच भारत नरेंद्र मोदींच्या कार्यकाळात ११ व्या क्रमांकावरून उडी मारून पाचव्या क्रमांकावर आला आहे. मी ठामपणे सांगतोय की २०२७ पर्यंत आपला भारत तंत्रज्ञानाच्या जगात तिसऱ्या क्रमांकावर असेल.