News Flash

IPL 2020 : पोलार्ड-पांड्या समोर असताना अखेरचं षटक ऑफ-स्पिनरला?? सचिनने मारला कपाळावर हात

पोलार्ड-पांड्याकडून पंजाबच्या गोलंदाजांची धुलाई

संग्रहीत छायाचित्र

रॉयल चॅलेंजर्स बंगळुरुविरुद्ध सामन्यात सुपरओव्हरमध्ये पराभवाचा सामना करावा लागल्यानंतर गतविजेत्या मुंबई इंडियन्सने धडाकेबाज पुनरागमन केलं आहे. किंग्ज इलेव्हन पंजाबवर ४८ धावांनी मात करत मुंबईने या हंगामातला आपला दुसरा विजय नोंदवला आहे. विजयासाठी मिळालेल्या १९२ धावांचा पाठलाग करताना पंजाबचा संघ २० षटकांत ८ गड्यांच्या मोबदल्यात १४३ धावांपर्यंत मजल मारु शकला.

सामन्यात पहिल्यांदा फलंदाजी करताना कर्णधार रोहित शर्माने ७० धावांची खेळी करत संघाला चांगली सुरुवात करुन दिली. मात्र अखेरच्या षटकांमध्ये रोहित माघारी परतल्यानंतर पोलार्ड आणि पांड्या यांनी सामन्याची सूत्र आपल्या हाती घेत चौफेर फटकेबाजी करत धावांची लयलूट केली. त्यातच पंजाबचा कर्णधार लोकेश राहुलने अखेरचं षटक ऑफ स्पिनर कृष्णप्पा गौथमला दिलं, ज्याचा मुंबईला फायदाच झाला. भारतीय संघाचा माजी खेळाडू सचिन तेंडुलकरनेही राहुलच्या याच निर्णयावर आश्चर्य व्यक्त करत पोलार्ड-पांड्या समोर असताना ऑफ स्पिनरला बॉलिंग कोणं देतं असं म्हणत कपाळावर हात मारला आहे…

दरम्यान, पंजाबच्या फलंदाजांवर सुरुवातीपासूनच अंकुश लावण्याचं काम मुंबईच्या गोलंदाजांनी केलं. मोठे फटके खेळण्याची संधी न देता पंजाबच्या फलंदाजांवर दडपण आणण्यात मुंबईचे गोलंदाज यशस्वी ठरले. मुंबईकडून जेम्स पॅटिन्सन, जसप्रीत बुमराह आणि राहुल चहर यांनी प्रत्येकी २-२ तर ट्रेंट बोल्ट आणि कृणाल पांड्या यांनी १-१ बळी घेतला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 2, 2020 11:07 am

Web Title: ipl 2020 sachin tendulkar question kxip captain lokesh rahul decision to give last over to off spiner when pollard is batting psd 91
टॅग : IPL 2020
Next Stories
1 IPL 2020: पंजाबवरील विजयावर रोहितची प्रतिक्रिया, म्हणाला…
2 ..तर खेळाडूची हकालपट्टी, एक कोटी दंड आणि दोन गुण वजा!
3 IPL 2020 : रायुडूचे पुनरागमन चेन्नईला तारेल?
Just Now!
X