News Flash

एकरकमी एफआरपीसाठी शिवसेनेचा रास्ता रोको

आंदोलनानंतर शिवसेनेची रस्त्यावर उतरण्याची भूमिका

चालू वर्षीच्या उसाला एफआरपीप्रमाणे एकरकमी दर मिळावा, या मागणीसाठी शिवसेनेने आक्रमक भूमिका घेतली असून, शुक्रवारी मुरगूड येथे ‘रास्ता रोको’ तर हातकणंगले येथे मोर्चा काढण्यात आला.
ऊस उत्पादक शेतकऱ्यांना एफआरपीप्रमाणे बिले मिळावीत, यासाठी शिवसेनेने आंदोलनात उतरण्याचा निर्णय घेतला आहे. दोन दिवसांपूर्वी साखर सहसंचालक कार्यालयावर मोर्चा काढून प्रादेशिक साखर सहसंचालक रावळ यांना घेराव घालण्यात आला होता. या आंदोलनानंतर शिवसेनेने रस्त्यावर उतरण्याची भूमिका घेतली आहे. या अंतर्गत शुक्रवारी जिल्हय़ात दोन ठिकाणी शिवसनिकांनी आंदोलन केले.
निपाणी-मुधाल तिठ्ठा या राज्यमार्गावर शिवसैनिक व शेतकऱ्यांनी सुमारे तासभर या वेळी शिवसैनिकांनी उसाला एफआरपीप्रमाणे एकरकमी दर मिळालाच पाहिजे. साखर कारखानदारांनी शेतकऱ्यांनी ऊस घालवल्यानंतर १४ दिवसांच्या आत ऊस उत्पादक शेतकऱ्यांच्या खात्यावार बिले दिलीच पाहिजेत, अशी मागणी जिल्हा शिवसेनाप्रमुख विजय देवणे यांनी केली. शेतकऱ्यांची लूट करणा-या कारखानदारांचा धिक्कार असो, ऊस तोडणीसाठी शेतकऱ्यांची लूट करणाऱ्यांचा धिक्कार असो, शेतकऱ्यांच्या घामाला दाम मिळालाच पाहिजे, अशा घोषणांनी परिसर दणाणून सोडला होता. मागणीचे निवेदन साखर सहसंचालक कार्यालयाचे विशेष लेखापरीक्षक धनंजय पाटील यांना दिले.
आंदोलनात माजी आमदार संजय घाटगे, उपजिल्हाप्रमुख संभाजी भोकरे, अरिवद बुजरे यांच्यासह शिवसनिक व शेतकरी सहभागी झाले होते.
दरम्यान, हातकणंगले येथे शिवसेनेच्या वतीने याच मागणीसाठी तहसील कार्यालयावर मोर्चा काढण्यात आला. जिल्हाप्रमुख मुरलीधर जाधव यांच्या नेतृत्वाखाली भगवे झेंडे घेतलेले कार्यकत्रे जोरदार घोषणाबाजी करीत तहसील कार्यालयावर आले. तेथे एफआरपीच्या मागणीच्या जोरदार घोषणा देण्यात आल्या.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 28, 2015 3:00 am

Web Title: shiv senas rasta roko for all amount of frp
टॅग : Kolhapur,Shiv Sena
Next Stories
1 अनधिकृत मंदिरांच्या यादीवरून नवा वाद
2 अनधिकृत धार्मिक स्थळांवरील कारवाईविरोधात सेनेचा मोर्चा
3 खराब रस्ता, वाहतूक कोंडीच्या निषेधार्थ इचलकरंजीत रास्ता रोको
Just Now!
X