आवाडे जवाहर कारखान्याकडून एकरकमी प्रति टन ३४०० रुपये दर

ऊस गाळप हंगामाचा शुभारंभ कारखान्याचे ज्येष्ठ संचालक प्रकाश आवाडे, किशोरी आवाडे या उभयतांच्या हस्ते करण्यात आला. कार्यक्षेत्रातील सभासदव ऊस पुरवठादार शेतकऱ्यांनी चालू गाळप हंगामात संपूर्ण ऊस कारखान्याकडे गाळपास पाठवून सहकार्य करावे, असे आवाहन प्रकाश आवाडे यांनी केले.

संस्थापक अध्यक्ष कल्लाप्पाण्णा आवाडे यांच्या नेतृत्वाखालील कारखान्याकडे २०२५-२६ हंगामासाठी सुमारे २२ हजार ७०० हेक्टर ऊस क्षेत्राची नोंद झाली आहे. कारखाना कार्यक्षेत्रातील सर्व सभासद व ऊस पुरवठादार शेतकऱ्यांनी चालू गाळप हंगामात आपला पिकविलेला सर्व ऊस कारखान्याकडे गाळपास पाठवून सहकार्य करावे असे आवाहन प्रकाश आवाडे यांनी केले. राज्य शासनाच्या निर्णयानुसार १ नोव्हेंबर पासून रितसर कारखान्याच्या ऊस गाळप हंगामास सुरुवात होणार आहे. चालू गळीत हंगामासाठी आवश्यक यंत्रसामुग्री व तोडणी वाहतूक यंत्रणा सज्ज असून हंगाम यशस्वीपणे पार पाडण्यासाठी सर्वांनी सहकार्य करावे असे सांगून त्यांनी सर्व सभासद, ऊस पुरवठा करणारे शेतकरी, अधिकारी-कर्मचारी या सर्वांना गाळप हंगामाकरीता शुभेच्छा दिल्या. ऊस विकास योजनेच्या माध्यमातून शेतकऱ्यांना मागणीनुसार बिनव्याजी उधारीवर ऊस रोपे, ऊस बियाणे, हिरवळीची खते, रासायनिक खते, औषधांचा वेळेत पुरवठा आणि लागण व खोडवा पिकासाठी सल्ला व मार्गदर्शन कारखान्याकडून नेहमी देण्यात येते. अभिनव ड्रोन फवारणी आणि ऊस विकास योजनेच्या प्रभावी कार्यवाहीमुळे शेतकऱ्यांना अधिक ऊस उत्पादन मिळत आहे.

यावेळी कारखान्याचे उपाध्यक्ष बावासी चौगुले, माजी अध्यक्ष उत्तम आवाडे, माजी संचालक जे. जे. पाटील, जयपाल उणारे, धनंजय मगदूम, रावसाहेब मुरचिट्टे, सुकुमार किणींगे, विलास पाटील, अनिल वडगांवे, आण्णासाहेब शेंडुरे, रावसाहेब पाटील, जंबूकुमार देसाई, दिनकर कांबळे, संजय भोजकर, विलास खानविलकर, सुभाष नरदे, राजू नाईक, पद्माण्णा हेरवाडे, तानाजी पाटील आणि संचालक सर्वश्री आण्णासो गोटखिंडे, आदगोंडा पाटील, सूरज बेडगे, शितल आमण्णावर, संजयकुमार कोथळी, कमल पाटील, वंदना कुंभोजे, प्रकाश पाटील, सुभाष जाधव आणि कार्यकारी संचालक मनोहर जोशी व सर्व अधिकारी आणि हितचिंतक उपस्थित होते.