अरुण सरनाईक माहितीपटाचे कोल्हापुरात उद्या सादरीकरण

कोल्हापूर ही अरुण सरनाईक यांची जन्म आणि कर्मभूमी होती. त्यांचे मुंबईचे जावई, एक गाव बारा भानगडी, केला इशारा जाता जाता, सवाल माझा ऐका, सिंहासन आदी चित्रपट गाजले. ते उत्तम गायक होते. २१ जून १९८४ रोजी त्यांचा अपघाती मृत्यू झाला.

त्यांची कन्या डॉ. सविता सरनाईक नाईकनवरे यांनी पुढाकार घेऊन अरुण सरनाईक यांच्या आयुष्याचा कला आणि जीवन प्रवासाचा वेध घेणारा ७५ मिनिटांचा ‘पप्पा सांगा कुणाचे’ हा माहितीपट बनवला आहे. तो डॉ. संतोष पाठारे यांनी दिग्दर्शित केला असून संकल्पना विशाखा तुंगारे देशपांडे यांची आहे. माहितीपटात सरनाईक यांच्या आठवणी, त्यांच्याबद्दलच्या प्रतिक्रिया पाहता येतील.