कोल्हापुरात पोलिसांचे चेहरे खुलले !

उपमुख्यमंत्री एकनाथ शिंदे , पालकमंत्री प्रकाश आबिटकर, सार्वजनिक बांधकाम मंत्री शिवेंद्रराजे भोसले, खा. धैर्यशील माने , आमदार सर्वश्री राजेश क्षीरसागर, चंद्रदिप नरके, राजेंद्र यड्रावकर , अमल महाडिक, शिवाजी पाटील, पोलीस कल्याण महामंडळाच्या व्यवस्थापकीय संचालक अर्चना त्यागी, पोलीस महानिरीक्षक सुनील फुलारी, माजी खा .संजय मंडलिक, माजी आ. सुजित मिणचेकर आदी उपस्थित होते . यावेळी फडणवीस यांच्या हस्ते कुरुंदवाड येथे उभारण्यात येणाऱ्या नूतन इमारतीचे ऑनलाईन उद्घाटन करण्यात आले.

भरीव निधी मंजूर

कोल्हापूर जिल्हा पोलीस दलाच्या स्थापनेवरील कोल्हापूर शहर येथील जुना बुधवार पेठ येथे पोलीसअंमलदार यांच्यासाठी सर्व सोयींनी युक्त असे १६८ शासकीय निवासस्थान बांधण्याकरिता शासनाने ३४ कोटी ६२ लाख रक्कम मंजूर केली असल्याची माहिती पोलीस अधीक्षक योगेश कुमार गुप्ता यांनी प्रास्ताविकात दिली.

बांधकामाकरिता महाराष्ट्र राज्य पोलीस गृहनिर्माण व कल्याण महामंडळ मर्यादित यांच्यामार्फत या ठिकाणी ए , बी, सी अशा तीन भागात सात मजली तीन इमारती उभारण्यात आलेल्या आहेत . प्रत्येक इमारतीमध्ये प्रत्येकी ५३८ चौ फूट क्षेत्राचे टू बीएचके ५६ फ्लॅट असे एकूण १६८ फ्लॅट बांधण्यात आलेले आहेत. लिफ्ट, बगीचा, प्रशस्त पार्किंग ,मुलांसाठी प्लेग्राउंड, ज्येष्ठ नागरिकांसाठी वॉकिंग ट्रॅक , सोलर सिस्टिम , अग्निशामक , मंदिर, एसटीपी प्लांट अशा सोयीयुक्त तसेच २४ तास संरक्षणाचे काम करणाऱ्या पोलीस अंमलदारांकरीता विसाव्यासाठी सुंदर कॅम्पसची निर्मिती आली आहे. त्याचबरोबर या पोलीस संकुलाला , ‘ राजर्षी छत्रपती शाहू महाराज ‘ पोलीस संकुल असे साजेसे नाव देण्यात आले आहे. या कार्यक्रमासाठी पोलीस विभागातील इतर अधिकारी – कर्मचारी व त्यांचे कुटुंबीय मोठ्या संख्येने उपस्थित होते .