एक ऑक्टोबर पासून कोल्हापूर- मुंबई मार्गावर दररोज विमानसेवा सुरू होणार – खासदार धनंजय महाडिक

कोल्हापूर : कोल्हापूरकरांसाठी एक खुशखबर आहे.  कोल्हापूर ते मुंबई या मार्गावर दररोज विमानसेवा उपलब्ध होणार आहे. खासदार धनंजय महाडिक यांनी सातत्याने पाठपुरावा करून सोयीस्कर वेळेत दैनंदिन विमानसेवा सुरू करण्यात यश मिळवले आहे. १ ऑक्टोबर पासून कोल्हापूर ते मुंबई आणि मुंबई ते कोल्हापूर या मार्गावर आठवड्यातील सातही दिवस विमानसेवा सुरू होत आहे.  व्यापारी, उद्योजक, कलाकार, खेळाडू अशा सर्वांचीच मोठी सोय होणार आहे.