कोल्हापूर: हातकणंगले लोकसभा मतदारसंघातून शिवसेनेकडून निवडणूक लढवण्याचा प्रस्ताव सेना प्रमुख उद्धव ठाकरे यांनी दिला होता. त्यास नम्र पूर्वक नकार दिला आहे. कोल्हापूर लोकसभा निवडणूक लढवण्याचा माझा निर्णय ठाम आहे. याबाबतची भूमिका आठवडाभरात स्पष्ट करणार आहे अशी माहिती गोकुळचे संचालक, थायलंडचे आर्थिक सल्लागार डॉ. चेतन नरके यांनी गुरुवारी पत्रकार परिषदेत दिली. लोकसभा निवडणुकीचे वारे वाहू लागल्यापासून चेतन नरके यांनी कोल्हापूर लोकसभा मतदारसंघात निवडणूक लढवण्याचा निर्धार केला होता. त्यासाठी त्यांनी संपूर्ण मतदारसंघ दोन वेळा पिंजून काढला होता.

महाविकास आघाडीतील काँग्रेस, राष्ट्रवादी व शिवसेना या तिन्ही पक्षांच्या वरिष्ठ नेत्यांच्या गाठीभेटी घेऊन उमेदवारी मिळावी यासाठी त्यांचे प्रयत्न सुरू होते. कोल्हापूर लोकसभा मतदारसंघात श्रीमंत शाहू महाराज यांना काँग्रेसची उमेदवारी मिळाली तर हातकणंगले हा मतदारसंघ शिवसेनेसाठी सोडण्यात आला आहे. या जागेवरून चेतन नरके यांनी निवडणूक लढवावी असा प्रस्ताव मातोश्री वरून देण्यात आला होता.

Sunil Tatkare, advice, Hemant Godse,
संभ्रम करणारी विधाने टाळावीत, सुनील तटकरे यांचा हेमंत गोडसे यांना सल्ला
Congress, Bhushan Patil, campaign,
काँग्रेसचे भूषण पाटील यांच्या दिमतीला आघाडीच्या सर्वपक्षीय नेत्यांची फौज
Challenge of Priyanka Gandhi in Nandurbar meeting
नंदुरबारच्या सभेत प्रियंका गांधी यांचे आव्हान; मोदींनी इंदिराजींप्रमाणे धैर्य दाखवावे
Complaint of NCP to Election Commission against Ravindra Dhangekars campaign
रवींद्र धंगेकरांच्या प्रचारात ‘घड्याळ’; राष्ट्रवादी काँग्रेसची निवडणूक आयोगाकडे तक्रार
congress leader prithviraj chavan attacked modi government in public meeting in sangvi
नरेंद्र मोदींच्या विरोधात प्रचंड मोठी लाट – पृथ्वीराज चव्हाण; सांगवीतील जाहीर सभेत महाविकास आघाडीच्या नेत्यांचा मोदी सरकारवर प्रहार
Arif Naseem khan
काँग्रेस नेते नसीम खान यांची नाराजी दूर; वरिष्ठांच्या भेटीनंतर घेतला ‘हा’ निर्णय
nan patole
विशाल पाटलांवरील कारवाईस टाळाटाळ; सांगलीत काँग्रेस मेळाव्यात आघाडीचे काम करण्याचे आवाहन
ubt shiv sena candidate chandrahar patil meet congress leaders in sangli
बंडखोरीवर कारवाई टाळत मविआ उमेदवाराला विजयी करण्याचे पटोलेंचे आवाहन

हेही वाचा : कोल्हापुरात छत्रपती-मंडलिक घराणे १५ वर्षांनंतर पुन्हा समोरासमोर

ठाकरेंनी दिलेल्या प्रस्तावानंतर नरके म्हणाले, कोल्हापूरची जागा शिवसेनेला गेली असती तर माझी उमेदवारी नक्की होती. ती जागा काँग्रेसला गेली. मी अजून कोल्हापूरच्या रिंगणातून बाहेर पडलेलो नाही. माजी मुख्यमंत्री उद्धव ठाकरे, खासदार संजय राऊत यांनी माझ्यावर विश्वास ठेवला. माझ्या कर्तृत्वावर विश्वास ठेवून त्यांनी हातकणंगलेचा पर्याय दिला. मात्र, खासदार राऊत यांच्याशी फोनवरून संपर्क करून दिलेल्या प्रस्तावाला मी नकार दिला आहे.

हेही वाचा : माझी उमेदवारी पक्की; खासदार धैर्यशील माने यांची माहिती

दोन दिवसांपूर्वी उद्धव ठाकरे आणि खासदार संजय राऊत यांची डॉ. चेतन नरके यांनी भेट घेतली होती. या भेटीत नरके यांना हातकणंगले लोकसभा मतदारसंघातून ठाकरे गटाकडून उमेदवारी घ्यावी, असा प्रस्ताव ठेवला होता. त्यानंतर नरके हे काय भूमिका घेणार याकडे लक्ष होते. दरम्यान, गेल्या तीन वर्षांपासून नरकेंनी कोल्हापूर लोकसभा मतदारसंघात प्रचाराचा धडाका सुरू ठेवलेला आहे. ठाकरेंच्या प्रस्तावानंतर त्यांना पुन्हा हातकणंगलेतून नव्याने सुरुवात करावी लागणार. शिवाय प्रचारातून पाया मजबूत केला असताना हातकणंगलेतून निवडणुकीला उभे राहणे शक्य नसल्याचे डॉ. नरके यांचे मत आहे.