कोल्हापूर : ‘त्या’ प्रवाशांना घेऊन आलेल्या केएमटी चालकाची अद्याप तपासणी नाही - Marathi News | Kolhapur Kmt Driver Carrying Those Passengers Is Yet To Be Examined Aau 85

मुंबईतील सांताक्रुझ येथून बंद कंटेनरमधून कर्नाटकला निघालेल्या ३० नागरिकांना तीन दिवसांपूर्वी कोल्हापूरात पकडण्यात आले.

संग्रहित छायाचित्र

लॉकडाउनच्या काळात मुंबईतील सांताक्रुझ येथून बंद कंटेनरमधून कर्नाटकला निघालेल्या ३० नागरिकांना तीन दिवसांपूर्वी कोल्हापूरात पकडण्यात आले. यातील एक जण करोना पॉझिटिव्ह आढळला आहे. या प्रवाशांना कोल्हापूरच्या परिवहन सेवेतील बसमधून (केएमटी) रुग्णालयात नेण्यात आले होते. मात्र, धक्कायदायक बाब म्हणजे या केएमटी चालकाची अद्याप तपासणी करण्यात आलेली नाही.

मुंबईतील सांताक्रुझ पूर्व येथून बंद कंटेनरमधून हसन (कर्नाटक) येथे जात असताना ३० जणांना कोल्हापूर जिल्ह्यातील पेठ वडगाव येथे पकडले होते. तसेच कोल्हापुरात थांबवून त्यांची तपासणी करण्यात आली होती. यामधील एक जण करोना पॉझिटिव्ह असल्याचे स्पष्ट झाले आहे. ही व्यक्ती मुंबईत सांताक्रुझ ईस्ट भागातील रहिवासी आहे.

First published on: 19-04-2020 at 11:56 IST

TOPICSकरोना विषाणू Coronavirus

Kolhapur News (कोल्हापूर न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Kolhapur kmt driver carrying those passengers is yet to be examined aau