कोल्हापुरात शाही दसरा महोत्सवास मंगळवारी प्रारंभ

तत्पूर्वी सायंकाळी शिवकालीन शस्त्र प्रदर्शन उद्घाटन राजर्षी शाहू स्मारक भवन सभागृह, दसरा चौक येथे होणार आहे. दसरा महोत्सव उद्घाटन समारंभ झाल्यानंतर ‘गाथा शिवशंभूची’ ऐतिहासिक महानाट्य आयोजित करण्यात आले आहे. या कार्यक्रमासाठी जिल्ह्यातील तसेच शहरात दाखल होणाऱ्या सर्व भाविक- पर्यटकांनी उपस्थित राहावे, असे आवाहन जिल्हा प्रशासनामार्फत करण्यात आले आहे.

मंगळवारी पारंपरिक वेशभूषा दिवस

यावर्षी राज्य शासनाने राज्यातील प्रमुख महोत्सवामध्ये कोल्हापूरच्या ऐतिहासिक शाही दसरा महोत्सवाचा समावेश केला आहे. त्यामुळे यावर्षीपासून कोल्हापूरचा दसरा महोत्सव भव्य स्वरूपात साजरा करण्यात येणार असून, यानुषंगाने मंगळवारी पारंपरिक वेशभूषा दिवस साजरा करण्यात येणार आहे.