मराठा समन्वयकांसोबत मुख्यत्र्यांनी घेतलेल्या बैठकीत कोणताही तोडगा नाही; जरांगे पाटलांचे उपोषण सुरूच राहणार

यानंतर पत्रकारांशी बोलताना गेल्या ४० वर्षांतील सरकारची री याही सरकारने ओढली आहे. मुख्यमंत्री मराठा आहेत. मात्र त्यांच्या सरकारचा चालक वेगळा आहे. ते हतबल आहेत, अशी भूमिका मराठा समन्वयक बाबा इंदुलकर यांनी मांडली. अंतरवाली सराटी येथे जरांगे पाटील यांचे बेमुदत उपोषण सुरू आहे. त्यांची तब्येत खालावल्याने मराठा समाज अस्वस्थ झाला आहे. या पार्श्वभूमीवर आज कोल्हापूर दौऱ्यावर असलेल्या मुख्यमंत्री शिंदे यांच्यासोबत मराठा समन्वयकांची तातडीची बैठक घेऊन यातून मार्ग काढण्याचा प्रयत्न केला. शासकीय विश्रमगृहात तासभर बैठक होऊनही जरांगे यांच्या आंदोलनाबाबत कोणताही ठोस तोडगा निघाला नाही.

हेही वाचा – शिवसेनेचे मुख्यमंत्री महाराष्ट्रात असल्याने महिला सुरक्षित – डॉ. नीलम गोऱ्हे

बैठकीनंतर माध्यमांशी बोलताना मराठा समाजाचे समन्वयक बाबा इंदुलकर यांनी जरांगे पाटील यांच्याशी फोनवर बोलण्याची विनंती केली. मात्र तीही मुख्यमंत्र्यांनी नाकारली असे सांगितले.

हेही वाचा – कोल्हापुरातील अधिष्ठातापदाचा पोरखेळ सुरूच, डॉ. प्रकाश गुरव यांना हटवले; डॉ. एस. एस. मोरे यांची नियुक्ती

आमच्यात मतभेद नाहीत

कोल्हापूरसह सांगली सातारा जिल्ह्यातील समन्वयकांची सुमारे तासभर बैठक मुख्यमंत्र्यांच्या अध्यक्षतेखाली झाल्यानंतर प्रसार माध्यमांना प्रतिक्रिया देताना अनेक मराठा समन्वयकांनी एकमेकांविरोधात नाराजी व्यक्त केली. यावेळी योगेश केदार, बाबा इंदुलकर, बाबा पार्टे, दिलीप देसाई, प्रसाद पाटील आदी उपस्थित होते.