बीसीसीआयने २०१८-१९ वर्षाकरता आपल्या खेळाडूंसाठी वार्षिक करार यादी जाहीर केली आहे. गतवर्षीप्रमाणे यंदाही A+, A, B आणि C असे ४ प्रकार करण्यात आले असून, A+ प्रकारात विराट कोहली, रोहित शर्मा आणि जसप्रीत बुमराह या तीन खेळाडूंनाच जागा देण्यात आली आहे. मात्र गेल्या वर्षभरात खराब फॉर्ममुळे चर्चेत असलेल्या शिखर धवनचं करार यादीतलं स्थान घसरलं आहे. A+ मधून शिखर धवनला A प्रकारात स्थान देण्यात आलं आहे. मात्र याचवेळी २०१८ साली इंग्लंड आणि ऑस्ट्रेलिया दौऱ्यात चमकदार कामगिरी करणाऱ्या ऋषभ पंतला A प्रकारात बढती देण्यात आली आहे. बीसीसीआयच्या श्रेणींना मिळणारं मानधन - A+ - ७ कोटी, A - ५ कोटी, B - ३ कोटी, C - १ कोटी A+ श्रेणीतले खेळाडू : विराट कोहली, जसप्रीत बुमराह, रोहित शर्मा A श्रेणीतले खेळाडू : रविचंद्रन आश्विन, रविंद्र जाडेजा, भुवनेश्वर कुमार, चेतेश्वर पुजारा, अजिंक्य रहाणे, महेंद्रसिंह धोनी, शिखर धवन, मोहम्मद शमी, इशांत शर्मा, कुलदीप यादव, ऋषभ पंत B श्रेणीतले खेळाडू : लोकेश राहुल, उमेश यादव, युझवेंद्र चहल, हार्दिक पांड्या C श्रेणीतले खेळाडू : केदार जाधव, दिनेश कार्तिक, अंबाती रायुडू, मनिष पांडे, हनुमा विहारी, खलिल अहमद, वृद्धीमान साहा
