न्यूझीलंडविरुद्ध उपांत्य फेरीच्या सामन्यात भारताचा अष्टपैलू रविंद्र जाडेजाने आपली निवड सार्थ ठरवली आहे. न्यूझीलंडकडून विजयासाठी २४० धावांचं आव्हान भारतीय संघाला देण्यात आलं. या आव्हानाचा पाठलाग करताना भारतीय संघाची दाणादाण उडाली. सर्व दिग्गज फलंदाज न्यूझीलंडच्या गोलंदाजांसमोर उघडे पडले. मात्र रविंद्र जाडेजाने आठव्या क्रमांकावर फलंदाजीसाठी येत भारताच्या आशा कायम ठेवल्या. रविंद्र जाडेजाने न्यूझीलंडच्या गोलंदाजांचा समाचार घेत अर्धशतक झळकावलं.

विश्वचषक स्पर्धेच्या उपांत्य फेरीच्या सामन्यात आठव्या क्रमांकावर फलंदाजीला येत अर्धशतक झळकावणारा जाडेजा पहिला खेळाडू ठरला आहे. रविंद्र जाडेजाने फलंदाजीसोबत गोलंदाजी आणि क्षेत्ररक्षणातही आपली चमक दाखवली.