12 July 2020

News Flash

World Cup 2019 : जोडी तुझी-माझी ! विश्वचषकातही विराट-रोहितचा डंका

शतकी भागीदारीने सावरला संघाचा डाव

भारतीय संघाचा कर्णधार विराट कोहली आणि उप-कर्णधार रोहित शर्माने विश्वचषक स्पर्धेतही आपल्या कामगिरीचा डंका वाजवला आहे. इंग्लंडविरुद्ध सामन्यात ३३८ धावांच्या लक्ष्याचा पाठलाग करताना भारताची सुरुवात खराब झाली. सलामीवीर लोकेश राहुल एकही धाव न काढता माघारी परतला. मात्र यानंतर रोहित आणि विराटने दुसऱ्या विकेटसाठी शतकी भागीदारी रचत भारतीय संघाचा डाव सावरला. दोन्ही फलंदाजांनी दुसऱ्या विकेटसाठी १३८ धावा जोडल्या.

वन-डे क्रिकेटच्या इतिहासात रोहित आणि विराट या जोडीच्या नावावरची ही सतरावी शतकी भागीदारी ठरली आहे. सर्वाधिक शतकी भागीदाऱ्या करणाऱ्यांच्या यादीत ही जोडी तिसऱ्या क्रमांकावर आहे. याचसोबत विश्वचषक स्पर्धेतली या जोडीच्या नावावरची ही पहिली शतकी भागीदारी ठरली आहे.

विराट कोहलीने संयमीपणे इंग्लंडच्या गोलंदाजीचा सामना करत अर्धशतक झळकावलं. लियाम प्लंकेटच्या गोलंदाजीवर बदली खेळाडू विन्सने विराटचा झेल पकडत भारताची जोडी फोडली. विराटने ७६ चेंडूत ७ चौकारांच्या मदतीने ६६ धावा केल्या.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 30, 2019 9:35 pm

Web Title: cricket world cup 2019 rohit sharma virat kohli registered their 17th century partnership in odi cricket
टॅग Virat Kohli
Next Stories
1 World Cup 2019 : विश्वचषक इतिहासात कॅप्टन कोहलीची ‘विराट’ कामगिरी
2 World Cup 2019 : शमीची दणकेबाज कामगिरी… तरीही झाला नकोशा विक्रमाचा धनी
3 World Cup 2019 : शमीचा भेदक मारा, आफ्रिदीनंतर अनोखी कामगिरी करणारा दुसरा गोलंदाज
Just Now!
X