सध्या देशभरात गाजत असलेल्या आयपीएल स्पॉट-फिक्सिंगप्रकरणी मतप्रदर्शन करण्यास पंतप्रधान मनमोहन सिंग यांनी नकार दिला. मात्र या प्रकरणी तपास सुरू असून राजकारण आणि खेळ या दोन्ही गोष्टींची सरमिसळ करू नये, अशी अपेक्षा त्यांनी व्यक्त केली. स्पॉट-फिक्सिंगबाबत मत व्यक्त करण्याची आपली इच्छा नाही. सध्या या प्रकरणाची चौकशी सुरू असल्यामुळे या क्षणी कोणतीही प्रतिक्रिया देणे उचित नसल्याचे पंतप्रधानांनी सांगितले. जपान आणि थायलंडच्या दौऱ्यावरून परत येत असताना पंतप्रधानांनी त्यांच्या विशेष विमानात पत्रकारांशी संवाद साधला.
