06 July 2020

News Flash

Video : विंडीजविरुद्ध सामन्यात धोनीचं वेगवान स्टम्पिंग पाहिलंत का?

किमो पॉलला धाडलं माघारी

किमो पॉलला यष्टीचीत करताना महेंद्रसिंह धोनी

आगामी विंडीज व ऑस्ट्रेलियातील टी-२० मालिकेत धोनीची संघात निवड न झाल्याने गेल्या काही दिवसांमध्ये एकच आश्चर्य व्यक्त केलं जात होतं. धोनी आता पूर्वीसारखा फलंदाजी करत नाही, व आगामी २०२० टी-२० विश्वचषकात धोनी खेळणार नसेल तर त्याला आताच्या टी-२० मालिकेत संधी देण्यास काहीच अर्थ नसल्याचं मत निवड समितीने व्यक्त केलं होतं. मात्र यष्टीरक्षक म्हणून धोनीला आजही पर्याय नसल्याचं त्याने पुन्हा एकदा स्पष्ट केलं. विंडीजविरुद्ध चौथ्या सामन्यात धोनीने जाडेजाच्या गोलंदाजीवर किमो पॉलला अवघ्या काही सेकंदात यष्टीचीत करुन आपल्यात अजुनही तितकीच उर्जा असल्याचं दाखवून दिलं.

भारताने दिलेलं ३७८ धावांचं आव्हान पार करताना, विंडीजची फलंदाजी पुरती कोलमडली. अखेरच्या फळीत जेसन होल्डर, किमो पॉल आणि केमार रोच यांनी थोडी फटकेबाजी करत संघाची लाज राखली. २८ व्या षटकात जाडेजाच्या गोलंदाजीवर धोनीने किमो पॉलला यष्टीचीत केलं, त्यावेळी एका क्षणासाठी जाडेजालाही आपल्याला ती विकेट मिळाली आहे यावर विश्वास बसला नाही. मात्र धोनी त्या विकेटबद्दल निश्चींत होता, अखेर तिसऱ्या पंचांच्या पाहणीत किमो पॉल यष्टीचीत असल्याचं स्पष्ट झालं. धोनीने 0.08 सेकंदांमध्ये किमो पॉलच्या माघारी धाडलं. धोनीच्या वेगवान स्टम्पिंगपैकी हे एक स्टम्पिंग मानलं जात आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 30, 2018 2:47 pm

Web Title: gone in a flash ms dhonis quick stumping of keemo paul is a must see
टॅग Ms Dhoni
Next Stories
1 न्यूझीलंडचे माजी प्रशिक्षक माईक हेसन किंग्ज इलेव्हन पंजाबच्या प्रशिक्षकपदी
2 २०१९ विश्वचषकासाठी महेंद्रसिंह धोनी संघात हवाच – सुनिल गावसकर
3 IND vs WI : वर्ल्डकपसाठीच्या संघात कोणाचेही स्थान पक्के नाही : रोहित शर्मा
Just Now!
X