News Flash

‘सर जाडेजां’च्या फटकेबाजीने बदललं सामन्याचं चित्र, धोनीचा विक्रम मोडला

पहिल्या टी-२० सामन्यात जाडेजाच्या नााबाद ४४ धावा

ऑस्ट्रेलिया दौऱ्यात टीम इंडियाचा अष्टपैलू खेळाडू रविंद्र जाडेजाने आपली उपयुक्तता पुन्हा एकदा सिद्ध केली आहे. तिसऱ्या वन-डे सामन्यात हार्दिक पांड्यासोबत महत्वपूर्ण दीडशतकी भागीदारी केलेल्या जाडेजाने पहिल्या टी-२० सामन्यातही महत्वाची भूमिका बजावली. ५ बाद ९२ अशी परिस्थिती असताना जाडेजाने आपल्या नेहमीच्या शैलीत फटकेबाजी करत टीम इंडियाला १६१ धावांचा टप्पा गाठून दिला.

रविंद्र जाडेजाने अखेरच्या षटकांत ऑस्ट्रेलियन गोलंदाजांची धुलाई करत मैदानाच्या चौफेर फटकेबाजी केली. २३ चेंडूत ५ चौकार आणि एका षटकारासह जाडेजाने नाबाद ४४ धावा केल्या. यानिमीत्ताने जाडेजाने धोनीचा विक्रमही मोडला आहे. आंतरराष्ट्रीय टी-२० क्रिकेटमध्ये सातव्या क्रमांकावर फलंदाजी करत असताना सर्वाधिक धावा करण्याचा विक्रम आता जाडेजाच्या नावावर जमा झाला आहे.

ऑस्ट्रेलियन गोलंदाजांच्या माऱ्यापुढे भारताचे इतर गोलंदाज सपशेल अपयशी ठरले. लोकेश राहुलने संयमी खेळी करत ४० चेंडूत ५१ धावा करत आपलं महत्वपूर्ण योगदान दिलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 4, 2020 3:42 pm

Web Title: ind vs aus 1st t20i ravindra jadeja creates record beat ms dhoni record psd 91
Next Stories
1 पंजाबचा खेळाडू ऑस्ट्रेलियात करोना पॉझिटिव्ह
2 राहुलची फटकेबाजी, टी-२० क्रिकेटमध्ये विराट-रोहित-धोनीच्या पंगतीत मिळवलं स्थान
3 परफेक्ट यॉर्कर! स्टार्कने उडवला शिखर धवनचा त्रिफळा; पाहा व्हिडीओ
Just Now!
X