27 February 2021

News Flash

Ind vs Eng : …म्हणून आम्ही गोलंदाजीत कमी पडलो; बुमराह संघ निवडीवर नाराज

पहिल्या डावात भारतीय गोलंदाजांचा इंग्लंडच्या तळाच्या फलंदाजांनी चांगलाच समाचार घेतला.

जसप्रीत बुमराह

इंग्लंडविरूद्ध पाचव्या कसोटीत आज तिसऱ्या दिवसाचा खेळ सुरू आहे. भारताने दुसऱ्या दिवसअखेर ६ बाद १७४ धावांपर्यंत मजल मारली होती. त्यामुळे भारताला दुसऱ्या दिवसअखेर १५८ धावांनी पिछाडीवर रहावे लागले होते. पण आता भारताची मदार आता तळाच्या फलंदाजांवर आहे.

इंग्लंडचा पहिला डाव ३३२ धावांवर आटोपला. पहिल्या दिवसअखेर ७ बाद १९८ अशी अवस्था असलेल्या इंग्लंडला जोस बटलरने शेपटाच्या फलंदाजांना हाताशी घेत त्रिशतकी मजल मारून दिली. भारतीय गोलंदाजांचा इंग्लंडने चांगलाच समाचार घेतला. पण याबाबत वेगवान गोलंदाज जसप्रीत बुमराह याने संघनिवडीवर नाराजी व्यक्त केली आहे.

बुमराहला गोलंदाजीत अपयशाबाबत विचारण्यात आले. आम्ही चारच गोलंदाज संघात घेऊन खेळत असल्याने आमची गोलंदाजी निष्प्रभ ठरली, असे स्पष्टीकरण त्याने दिले.

जेव्हा तुमच्या संघात एक अतिरिक्त गोलंदाज असतो, तेव्हा नेहमीच्या गोलंदाजांना काही काळ विश्रांती मिळते. पण आमच्या संघात चार गोलंदाज होते. त्यामुळे आम्हाला थोड्या-थोड्या वेळाने पुन्हा गोलंदाजी करण्यास यावे लागत होते. त्यामुळे आमच्या गोलंदाजीची धार कमी झाली असे म्हणता येईल, असे तो म्हणाला.

गोलंदाजी करताना आम्हाला ही एक कमतरता जाणवली. या व्यतिरिक्त बोलायचे तर आम्ही चांगली गोलंदाजी करण्याचा प्रयत्न केला. आम्ही भरपूर षटके फेकली. पण एक अतिरिक्त गोलंदाज असता तर आम्हाला आणखी चांगली कामगिरी करता आली असती, असे त्याने नमूद केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 9, 2018 4:48 pm

Web Title: ind vs eng jasprit bumrah unhappy with team selection of only four bowlers
Next Stories
1 Ind vs Eng : कूक-रूट जोडीचा संयमी खेळ, दिवसअखेर इंग्लंडकडे १५४ धावांची आघाडी
2 भारत-पाक सामन्यांचं अवडंबर कशासाठी? – शोएब मलिक
3 Asia Cup 2018 : हर्षा भोगले, संजय मांजरेकरांना समालोचकांच्या यादीतून वगळलं
Just Now!
X