विश्वचषकात वेस्ट इंडिजविरुद्ध सामना सुरु झाल्यानंतर भारतीय संघासाठी एक आनंदाची बातमी आली आहे. आयसीसीच्या वन-डे क्रमवारीत भारतीय संघ पहिल्या स्थानावर पोहचला आहे. बुधवारी ESPNCricinfo या संकेतस्थळाने भारत वन-डे क्रमवारीत पहिल्या स्थानावर पोहचल्याची बातमी दिली होती. आयसीसीने आज यावर आपली मोहर उमटवली आहे.

इंग्लंडचा संघ वन-डे क्रमवारीमध्ये अव्वल होता. मात्र विश्वचषक स्पर्धेत सलग ३ सामने गमावल्याचा इंग्लंडला फटका बसला आहे. या तुलनेत भारतीय संघाने आश्वासक कामगिरी करत ४ विजय मिळवले आहेत. त्यामुळे १२३ गुणांसह भारत सध्या क्रमवारीत पहिलं स्थान मिळवलं आहे. इंग्लंडच्या खात्यात सध्या १२२ गुण जमा आहेत.