IPL २०२१ : म्हणूनच ‘सर’ रवींद्र जडेजा..एका षटकात कुटल्या ३७ धावा! - Marathi News | Ipl 2021 Csk All Rounder Ravindra Jadeja Smashes 37 Runs In Last Over Against Rcb Adn 96

IPL २०२१मध्ये सर्वाधिक बळी घेणाऱ्या हर्षल पटेलची जडेजाकडून धुलाई

ipl 2021 csk batsman ravindra jadeja smashes 37 runs in last over against rcb

रवींद्र जडेजा

मुंबईच्या वानखेडे मैदानावर सुरू असणाऱ्या रॉयल चॅलेंजर्स बंगळुरूविरुद्धच्या सामन्यात चेन्नई सुपर किंग्जच्या रवींद्र जडेजाने खळबळ उडवून दिली आहे. यंदाच्या लीगमध्ये सर्वाधिक बळी घेणाऱ्या हर्षल पटेलची जडेजाने चांगलीच धुलाई केली. शून्यावर जीवदान लाभलेल्या जडेजाने २०व्या षटकात ३७ धावा कुटल्या.

There are 6666264 reasons for why we love Jadeja! #CSKvRCB #WhistlePodu #Yellove pic.twitter.com/nDn9ZQGjCS
— Chennai Super Kings – Mask podu Whistle Pdu! (@ChennaiIPL) April 25, 2021

या सामन्यात जडेजाने २८ चेंडूत ५ षटकार आणि ४ चौकारांसह नाबाद ६२ धावांची खेळी केली. बंगळुरूचा गोलंदाज हर्षल पटेलने आयपीएलच्या इतिहासातील सर्वात महागडे षटक टाकणाऱ्या प्रशांत परमेश्वरनशी बरोबरी साधली. यापूर्वी बंगळुरूकडून खेळणाऱ्या ख्रिस गेलने पुणे वॉरियर्सच्या परमेश्वरनला एका षटकात ३७ धावा कुटल्या होत्या.

A finish in style by JADDU!#CSKvRCB #WhistlePodu #Yellove pic.twitter.com/9UASNZx8LS
— Chennai Super Kings – Mask Whistle Pdu! (@ChennaiIPL) April 25, 2021

चेन्नईचे बंगळुरूला १९२ धावांचे आव्हान

रवींद्र जडेजाच्या वादळी खेळीमुळे चेन्नईने बंगळुरुसमोर विजयासाठी १९२ धावांचे लक्ष्य ठेवले आहे. चेन्नईने ४ गडी गमवून १९१ धावा केल्या. त्यात फाफ आणि जडेजाचे अर्धशतक समाविष्ट आहे. जडेजा शून्यावर असताना बंगळुरूच्या डॅनियल ख्रिश्चनने त्याचा झेल सोडला होता. सामन्यात तीन गडी मिळवूनही हर्षल पटेल हतबल झाल्याचे दिसून आले.

First published on: 25-04-2021 at 17:54 IST

मराठीतील सर्व आयपीएल २०२५ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ipl 2021 csk all rounder ravindra jadeja smashes 37 runs in last over against rcb adn