पाकिस्तानचा अनुभवी अष्टपैलू खेळाडू शाहीद आफ्रिदीची २०१६ च्या ट्वेण्टी-२० विश्वचषकापर्यंत कर्णधारपदी नियुक्ती करण्यात आली. तर मिसबाह-उल-हककडे कसोटी आणि एकदिवसीय संघाचे कर्णधारपद कायम ठेवण्यात आले आहे. पाकिस्तान क्रिकेट मंडळाच्या (पीसीबी) बैठकीमध्ये हे महत्त्वपूर्ण निर्णय मंगळवारी घेण्यात आले. मोहम्मद हफिझकडे पाकिस्तानच्या ट्वेण्टी-२० संघाचे कर्णधारपद होते. पण सातत्याने पाकिस्तानला ट्वेण्टी-२० सामन्यांमध्ये पराभवाचा सामना करावा लागल्याने आफ्रिदीवर ही जबाबदारी सोपवण्यात आली आहे.
