लोकसत्ताचे माजी क्रीडा विभाग प्रमुख आत्माराम मोरे यांचे शुक्रवारी अल्पशा आजाराने निधन झाले, ते ७५ वर्षांचे होते. लोकसत्ता क्रीडा विभागाचे मोरे हे २५ वर्षे प्रमुख होते. त्यांच्या पश्चात पत्नी, दोन मुले, दोन मुली आणि नातवंडे असा परिवार आहे. अंधेरी पूर्व येथील पारशीवाडा स्मशानभूमीत त्यांच्यावर अंत्यसंस्कार करण्यात आले. कबड्डी, खो-खो आणि कुस्ती या देशी खेळांवर त्यांचे विशेष प्रेम होते. या खेळांचा इतिहास त्यांना मुखोद्गत होता. यावर त्यांचे क्रीडा सदरही लोकप्रिय होते.