Asian Games, IND vs KOR: भारतीय महिला हॉकी संघाने गाठली उपांत्य फेरी, दक्षिण कोरियाविरुद्ध साधली १-१ अशी बरोबरी

कोरियाने सामन्यात सुरुवातीला आघाडी घेतली. १२व्या मिनिटाला चो येजिनने पेनल्टी स्ट्रोकवर पहिला गोल केला. तिसऱ्या क्वार्टरमध्ये भारताला पहिला गोल मिळाला. दीप ग्रेस एक्काने ४४व्या मिनिटाला अप्रतिम गोल केला. या गोलच्या जोरावर भारताने सामना १-१ असा बरोबरीत सोडवला. यानंतर सामन्यात दोन्ही संघांकडून एकही गोल झाला नाही.

दोन्ही संघांचे लक्ष अव्वल स्थानावर आहे

भारत आणि कोरिया यांच्यात आतापर्यंत २० सामने झाले आहेत. कोरियाने १२ सामने जिंकले आहेत. भारतीय महिला संघाने ५ सामने जिंकले. तीन सामने अनिर्णित राहिले आहेत.

दोन्ही संघ जबरदस्त फॉर्मात आहेत

भारतीय महिला संघाची सुरुवात चांगली झाली आहे. त्यांनी त्यांच्या पहिल्या सामन्यात सिंगापूरचा १३-० असा पराभव केला. तर शुक्रवारी मलेशियाविरुद्ध ६-० असा विजय मिळवला. कोरियाबरोबरचा तिसरा सामना अनिर्णित राहिला. दुसरीकडे कोरियाही जबरदस्त फॉर्मात आहे. त्यांनी सिंगापूरविरुद्ध ४-० आणि त्यांच्या मागील सामन्यांमध्ये हाँगकाँगवर ७-० असा शानदार विजय नोंदवला आहे. आता भारत विरुद्धचा सामना अनिर्णित राहिला आहे. दोन्ही संघ या स्पर्धेत आतापर्यंत अपराजित आहेत.

हेही वाचा: Asian Games 2023: अदिती अशोकने एशियन गेम्समध्ये रचला इतिहास, गोल्फमध्ये पदक जिंकणारी ठरली पहिली भारतीय महिला

कीननने कांस्यपदक जिंकले

कीननने भारतासाठी कांस्यपदक जिंकले आहे. लक्ष्यावर ४० पैकी ३२ शॉट्स मारण्यात तो यशस्वी ठरला. पुरुषांच्या ट्रॅप वैयक्तिक अंतिम फेरीत कीनन डॅरियस चेनईने तिसरे स्थान पटकावले. चीनला सुवर्ण तर कुवेतला रौप्य पदक मिळाले.

भारताला आशियाई क्रीडा स्पर्धेच्या पहिल्या दिवशी पाच, दुसऱ्या दिवशी सहा, तिसऱ्या दिवशी तीन, चौथ्या दिवशी आठ, पाचव्या दिवशी तीन, सहाव्या दिवशी आठ आणि सातव्या दिवशी पाच पदके मिळाली. आज भारत पदकांचे अर्धशतक पूर्ण करू शकतो.

हेही वाचा: Yuzvendra Chahal: वन डे विश्वचषक संघात निवड न झाल्याने युजवेंद्र चहलने केले सूचक विधान; म्हणाला, “आता याची सवय…”

भारताकडे सध्या किती पदके आहेत?

सुवर्ण: ११

चांदी: १६

कांस्य: १५

एकूण: ४२